Kubikë kanabisi që nuk ia dolën dot të mbilleshin dhe 2 të arrestuar të moshave 23 e 29 vjeç. Ky është bilanci i një operacioni të policisë së Shkodrës që u vu në ndjekje të një furgoni nga Hajmeli deri në Vaun e Dejës, prej dyshimeve lidhur me ngarkesën.
Gjatë kontrollit, policia gjeti kuti kartoni me 2500 fidanë kanabisi.
Njoftimi i policisë:
DVP Shkodër/Finalizohet operacioni i koduar “Kutitë”. Goditet që në fazë fillestare, një tentativë për të kultivuar bimë narkotike.
Sekuestrohen 2500 fidanë të dyshuar narkotikë Cannabis Sativa, të mbjellë në kubikë, si dhe 1 furgon.
Read more:Dibër/ Droni zbulon 1121 bimë kanabisi në mal, 2 në pranga
Vihen në pranga 2 shtetasit që transportuan kubikët, nga fshati Hajmel në Vaun e Dejës, me një furgon që u ndoq gjatë lëvizjes, nga shërbimet e Policisë.
Si rezultat i patrullimeve, punës informative dhe asaj operacionale, për evidentimin dhe goditjen e paligjshmërive, shërbimet e Forcës së Posaçme “Shqiponja” konstatuan në afërsi të fshatit Hajmel, një automjet (furgon) me ngarkesë të dyshimtë. Automjeti u ndoq deri në Vaun e Dejës, ku u ndalua për kontrolle.
Nga kontrollet u gjetën në të, disa kuti kartoni me kubikë me 2500 fidanë të dyshuar narkotikë Cannabis Sativa.
Read more:Zjarret në Lurë të Dibrës, nis hetimi për shefin e monitorimit të Parkut Kombëtar dhe dy roje
Në përfundim të veprimeve procedurale për rastin, të kryera në kuadër të operacionit të koduar “Kutitë”, u arrestuan në flagrancë shtetasit që transportonin me furgon, kubikët, me qëllim kultivimin, S. L., 23 vjeç, banues në Shkodër, dhe N. P., 29 vjeç, banues në fshatin Mali i Jushit.
Materialet procedurale iu referuan Prokurorisë, për veprime të mëtejshme.
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.
