Ministri belg i Mbrojtjes, Theo Francken ka zgjedhur Shqipërinë për të kaluar pushimet verore, duke u ndalur edhe në qytetin e Beratit së bashku me familjen.
Gjatë qëndrimit në Berat, Francken është angazhuar edhe në aktivitete sportive, mes tyre padel, duke përfituar nga ditët e pushimit për të eksploruar vendin dhe për të kaluar kohë me familjarët.
“Është bukur këtu, e mrekullueshme. Eja, luani padel këtu”, është shprehur ministri belg, duke ftuar të tjerë të provojnë këtë sport në Shqipëri.
Vizita e tij vjen në kulmin e sezonit turistik, ndërsa Shqipëria vijon të tërheqë edhe figura të njohura ndërkombëtare, të cilët zgjedhin vendin për pushime dhe përvoja larg angazhimeve zyrtare.
Pas Beratit ndalesa e tij ishte Vlora ku u takua edhe me ministrin Ermal Nufi.
Ministri belg i Mbrojtjes po shijon Shqipërinë, në Vlorë e pret homologu Ermal Nufi
Ministri belg i Mbrojtjes, Theo Francken, i cili ndodhet në Shqipëri për pushime së bashku me familjen, është takuar në Vlorë me homologun e tij shqiptar, Ermal Nufi. Takimin e ka bërë të ditur vetë Nufi përmes një postimi në rrjetet sociale, ku ka publikuar edhe foto.
“Mirë se erdhe në Shqipëri, Theo! Sot në Vlorë, me mikun dhe homologun tim belg Theo Francken, i cili ndodhet në Shqipëri së bashku me familjen. Një takim i ngrohtë për të ndarë disa momente larg angazhimeve zyrtare, si dhe një mundësi e mirë për të forcuar miqësinë dhe bashkëpunimin në kuadër të prioriteve të përbashkëta mes dy vendeve tona”, shkruan Nufi.
Francken ka zgjedhur Shqipërinë për të kaluar pushimet verore me familjen. Gjatë qëndrimit të tij ai vizitoi edhe Beratin, ku u pa duke luajtur padel dhe ftoi të tjerë të vizitonin Shqipërinë.
