Pasi kaluan pushimet verore në atdhe, emigrantët që jetojnë në Greqi kanë nisur të kthehen në këtë fund gushti.
Këtë të hënë në pikën kufitare të Kakavijës është shënuar një fluks udhëtarësh. Pala shqiptare është duke punuar me tre sportele në dalje dhe dy në hyrje ndërkohë që pala greke funksionon vetëm me një sportel në hyrje çka bën që lëvizja të jetë mjaft e ngadaltë.
Në 24 orët e fundit shërbimet e policisë në Kakavijë bëjnë me dije se kanë kaluar 11534 shtetas në hyrje-dalje, nga të cilët 3932 në hyrje dhe 7602 në dalje, si dhe 3228 mjete – nga të cilat 1046 në hyrje dhe 2182 në dalje.
