Mijëra shqiptarë vijojnë të mblidhen çdo ditë në protestë, me synimin për t’i dhënë fund tranzicionit të stërzgjatur dhe për të kërkuar largimin e qeverisë.
Sipas protestuesve, pjesëmarrja e qytetarëve është dëshmi e pakënaqësisë së madhe ndaj qeverisjes dhe korrupsionit. Gjatë protestës u komentua edhe paraqitja e kryeministrit Edi Rama në Pogradec, ndërsa u kritikua propaganda qeveritare që, sipas tyre, përpiqet ta paraqesë kryeministrin si një lider global dhe inovativ.
Protestuesit akuzuan Ramën se përpiqet të shmangë përgjegjësinë për problemet e vendit, duke ia atribuar ato administratës shtetërore. Ata kundërshtuan gjithashtu nismat dhe platformat e prezantuara nga qeveria, duke i cilësuar si pjesë të një modeli propagandistik.
Në ditën e 86-të të protestave, kërkesa mbetet e njëjtë: dorëheqja e kryeministrit Edi Rama dhe ndryshimi i mënyrës së qeverisjes së vendit.
“Mijëra shqiptarë janë bashkë çdo ditë për t’i dhënë fund tranzicionit të stërzgjatur. Është e jashtëzakonshme që shqiptarët zgjedhin të dalin mbi interesat e tyre për të larguar këtë qeveri të korruptuar dhe kryeministër arrogant.
U gëzova që e pashë Ramën në Pogradec të mpakur dhe pa ide.
Makina e propagandës na e ka servirur lide global, inovativ.
Edi Rama sot për të disatën herë u përpoq të na tregonte se nuk është ai fajtori për qeverisjen që vuajmë, por administrata shtetërore dge tha se ka dy mënyra për ta rreglluar “Besa” dhe “Pasqyra Albania” një riprodhim i Shqipëria që duam.
Ndaj sot vijojmë të kërkojmë dorëheqjen e Edi Ramës si 86 ditë me radhë”, tha aktivisti.
