Qytetet shqiptare do të kenë për herë të parë modele 3D, nis projekti i fotografimit nga ajri i territorit të Shqipërisë

Për herë të parë, qytetet e Shqipërisë do të kenë modele dhe imazhe 3D të krijuara nga fotografimi ajror. Projekti ka nisur zyrtarisht nga Autoriteti Shtetëror për Informacionin Gjeohapësinor (ASIG) në bashkëpunim me Fondin Shqiptar të Zhvillimit (FSHZH), me synim përditësimin e Hartës Bazë të vendit.

Fillimisht do të fotografohen nga ajri 680 kilometra katrorë zona urbane. Sipas ASIG, do të përdoren teknologji të avancuara që mundësojnë krijimin e imazheve dhe hartave shumë të detajuara, duke siguruar të dhëna më të sakta për territorin.

Read more:“S’je kalorës, po ecën mbi gomar!”/ Përplasja për reformën territoriale, Boçi i përgjigjet Ramës: Ke panik se s’të besojnë më as të tutë! Shkele Kushtetutën

Risia e projektit është përdorimi, për herë të parë, i fotografimit ajror oblik. Kjo do të bëjë të mundur krijimin e modeleve dhe imazheve 3D të qyteteve (3D City), të cilat do të ndihmojnë në planifikimin, monitorimin dhe administrimin e zonave urbane.

Read more:“Qeveria jonë e dobët në arenën ndërkombëtare”, Ilir Xhemalaj: Shqipëria po digjet, mos ndoshta ka të bëjë me Paketën e Maleve! Duan…

Sipas ASIG, të dhënat e reja do të përdoren për përditësimin e Hartës Bazë të Shqipërisë, si edhe për administrimin e territorit, mjedisit, bujqësisë dhe fushave të tjera.

U.D/Shqiptarja.com

TAG:
• fotografi
• hartografim
• Fondi Shqiptar i Zhvillimit