Gazetari Osman Stafa, i ftuar në studion e News 24 ka komentuar dorëheqjen e ministres së Shëndetësisë, Evis Sala.
Stafa shprehet se dorëheqja e Salës ka qenë e paramenduar. Ai shton se Sala nuk ka qenë e sinqertë as në ikje. Dhe njëherë thekson se situata në spitale është skandaloze dhe se korrupsioni në këtë fushë është kapilar.
Gazetari Osman Stafa:Prisja që Evis Sala të ishte e sinqertë në ikjen e saj. Së paku kur të ikë të ishte e sinqertë, por nuk është e tillë. Ka qenë një dorëheqje e paramenduar. Flitet se ka pasur një përplasje mes Ramës dhe Salës. Kryeministri i ka kërkuar ministres që të firmosë çështjen e superkompanisë, gjë që nuk është pranuar nga ministrja dhe raportet e tyre janë ndërprerë. Sado unë të gënjej apo ministrja, pacientët tek Onkologjiku e dinë të vërtetën e situatës në shëndetësi.
Fondacionet kanë dhënë para për pacientët për kimioterapi dhe qeveria nuk ka bërë asgjë. Shumë medikamente mungojnë ende. Nuk mund të flasi për arritje vetëm me propagandë, sepse ka lënë gratë dhe vajzat pa ilaçe. Kemi sistem të rënë shëndetësor dhe tërësisht të korruptuar. Këta bëjnë propagandën e vdekjes.
