Tiranë –Një shpërthim ka ndodhur mëngjesin e kësaj të mërkure në zonën e Brrylit, në pikën e karburantit “Eida”. Ngjarja është regjistruar në një zonë të populluar, ku ndodhen edhe disa banesa në afërsi të pikës së karburantit.
Burime për Report Tv bëjnë me dije se ka shpërthyer një depozitë e pikës së karburantit, dhe si pasojë është shembur një godinë një katëshe.
Nga shpërthimi kanë mbetur të dëmtuar edhe tre punonjës të karburantit, të cilët po marrin ndihmë mjekësore.
Të njëjtat burime bëjnë me dije se në momentin e ngjarjes ka qenë edhe një automjet duke u furnizuar me gaz. Policia dhe forcat zjarrfikëse ndodhen në vendin e ngjarjes.
“Tek “Brryli”, në një karburant, dyshohet se ka shpërthyer një bombul gazi, gjatë kohës që po furnizohej me karburant një automjet. Si pasojë, janë dëmtuar 3 persona, punonjës të karburantit, të cilët janë dërguar në spital për mjekim, jashtë rrezikut për jetën. Grupi hetimor vijon punën për sqarimin e rrethanave të rastit” njoftoi sot policia.
Lajm ne perditesim…
Çfarë ka mbetur pas shpërthimit të depozitës te karburanti ‘Eida’ në Tiranë
Shpërthimi i një depozite të karburantit ‘Eida’ në zonën e Brrylit në Tiranë solli plagosjen e tre punonjësve dhe dëme të konsiderueshme materiale.
Nga pamjet e siguruara nga Report Tv shihen mbetje dhe materiale të shpërndara kudo si pasojë e shpërthimit.
Çatia e pikës së karburantit është pjesërisht e shembur, me kabllo të varura dhe pjesë të dëmtuara.
Ndërkohë në pamje duken edhe pajisjet e furnizimit me karburant që janë të rrëzuara dhe të shkatërruara.
