Protesta e banorëve të fshatrave të Marinzës është zhvendosur mëngjesin e kësaj të enjteje pranë zonës ku kryhet përpunimi dhe hollimi i naftës.
Të tensionuar, protestuesit kanë hapur me forcë portën dhe janë futur në ambientet e punës.
Me tej e vazhduan revoltën dhe në zyrat e kompanisë, por nuk janë pritur nga drejtuesit.
Shkak për revoltën është paralajmërimi për uljen e vlerës së qirasë së tokës.Ata nuk pranojnë uljen nga 400 mijë në 200 mijë lekë për dynym ne vit.
“Kemi kohë që marrim të njëjtën përgjigje. Rrogat e operatorëve janë 4 milionë lekë. Nëse ai nuk e paguan do ta kthejmë tokën në gjendjen e tyre të mëparshme”, tha një banor.
Banorët paralajmërojnë se, nëse kërkesat e tyre nuk merren parasysh, nga mëngjesi i ditës së nesërme do të bllokojnë lëvizjen e autoboteve në tokat e tyre.
“Tani kemi vendosur që nga ora 07:00 secili do të qëndrojë në tokën e tij. Nuk do të lejojmë as operatorët as autobotët. Do të vijojmë me protestën deri në fund”, tha një banor.
Read more:Kadastra shkon derë më derë, nis nga Palasa trajtimin e banesave pa dokumentacion pronësie
Kompania “Bankers Petroleum” ka kontrata qiraje me rreth 800 pronarë tokash në zonën Patos-Marinzë, ku prej vitesh shfrytëzon tokat për aktivitetin e nxjerrjes së naftës.
Sipas njoftimit të kompanisë, nga viti 2027 vlera e qirasë do të përgjysmohet, me rekomandim të Agjencisë Kombëtare të Burimeve Natyrore, AKBN.
“Bankers Petroleum” pretendon se çmimi i ri i qirasë justifikon vlerën aktuale të pronës në treg.
Protesta për qiratë e tokave, banorët e Patos-Marinzës ngujohen në zyrat e ‘Bankers Petroleum’: Nuk lëvizim derisa të vijë përfaqësuesi (VIDEO)
Rreth 20 banorë të fshatrave të zonës naftëmbajtëse Patos- Marinzë janë ngujuar në zyrat e Bankers dhe do të qëndrojnë aty përgjatë gjithë natës derisa kompania të marrë vendimin për t’i takuar me një përfaqësues që do t’u ofrojë zgjidhje përfundimtare për problemin e qirave të tokave.
“Do të rezistojmë, nuk lëvizim derisa të marrë noterin. Këtu na ka.”
“Do t’i mbajmë zyrat të bllokuara, do t’i zaptojmë”, thonë banorët.
Xh.K/P.J/Shqiptarja.com
LAJMET MË TË VLERËSUARA