Gjatë ditës së sotme janë raportuar 21 vatra zjarri në territorin e vendit, prej të cilave 5 mbeten aktive, 9 janë nën mbikëqyrje dhe 7 janë shuar plotësisht.
Në Tiranë, vatra në Malin me Gropa është izoluar dhe mbahet nën mbikëqyrje.
Në Dibërvijojnë aktive vatrat në Lundre–Madhesh të Matit, Cerrujë–Mali i Allushit në Klos dhe Selishtë, ndërsa Qafa e Helmes në Bulqizë mbahet nën mbikëqyrje.
Në Shkodër, vatra në Porav, Fushë-Arrëz, mbetet aktive. Zjarri në Rragam, Shkodër, është nën mbikëqyrje dhe gjatë ditës u mbështet edhe nga 22 forca ushtarake dhe 3 mjete, ndërsa vatra në malin e Tërbunit mbahet gjithashtu nën mbikëqyrje. Nuk raportohen banesa në rrezik në Rragam dhe Tërbun.
Në Fier, vatra në Çërrilë, Mallakastër, mbetet aktive, por është izoluar. Në operacion janë angazhuar strukturat vendore, ndërsa në mbështetje kanë operuar 32 forca ushtarake dhe 3 mjete. Vatra në Peshtan mbahet nën mbikëqyrje.
Read more:Përfshihet nga zjarri një banesë në Levan të Fierit, flakët shkrumbojnë totalisht objektin (VIDEO)
Vatrat e tjera në Lezhë, Elbasandhe Korçëvijojnë të mbahen nën mbikëqyrje. Në Opar të Korçës nuk rrezikohen banesa, ndërsa në Gallatë të Kurbinitterreni i vështirë pengon operimin e mjeteve, por nuk ka rrezik për zonat e banuara.
Lajm në përditësim…
Zjarri djeg 2 hektarë me pemë frutore në Grykë-Lumi të Lezhës, flakët i afrohen një banese (VIDEO)
Një zjarr i përmasave të konsiderueshme përfshiu pasditen e sotme një zonë në Grykë-Lumi në Shënkoll të Lezhës duke djegur një sipërfaqe prej rreth dy hektarë me pemë frutore.
Flakët u konstatuan rreth orës 14:30 dhe, sipas të dhënave paraprake, dyshohet se zjarri mund të jetë shkaktuar nga djegia e mbetjeve bujqësore në tokat pranë zonës.
Situata u bë më e rrezikshme pasi flakët iu afruan një banese dykatëshe. Ndërhyrja e banorëve dhe më pas e shërbimit zjarrfikës bëri të mundur izolimin e zjarrit dhe shmangien e përfshirjes së banesës nga flakët. Grupi hetimor po punon për përcaktimin e saktë të shkakut dhe rrethanave të rënies së zjarrit.
