Kryeministri Edi Rama ka reaguar për debatin mbi pagat e gjyqtarëve, duke komentuar një deklaratë të gjyqtarit Engert Pëllumbi në një intervistë për Nisida Tufën në emisionin “Kjo Javë”.
Në një postim në rrjetin social X, Rama ka shpërndarë një pjesë të deklaratës së Pëllumbit, i cili shprehet se gjyqësori ka buxhetin e vet dhe se nuk po merr fonde nga buxhetet e institucioneve të tjera.
“Ne kemi qesen tonë të buxhetit. Nuk po marrim nga qeset e të tjerëve. Me pak fjalë, nuk po na lejohet të marrim nga qesja jonë”, tha Pëllumbi në intervistë.
Krahas deklaratës, Rama shkruan se është e pabesueshme mënyra se si një gjykatës e kupton pavarësinë e pushtetit gjyqësor dhe mënyrën se si e sheh buxhetin e shtetit shqiptar.
E pabesueshme, po e vërtetë që një gjykatës e kupton kështu pavarësinë e pushtetit gjyqësor dhe e shikon kështu buxhetin e shtetit shqiptar… pic.twitter.com/tWBwXH2d4m
— Edi Rama (@ediramaal) September 13, 2026
