Përplasja për pagat në drejtësi/ Rama sulmon gjyqtarët pas padisë ndaj Ministrit të Financave: Kërkojnë rritje ‘vetë Zot e vetë Shkop’

Kryeministri Edi Rama ka reaguar publikisht në rrjetin social X pas padisë penale që shoqatat e gjyqtarëve kanë depozituar ndaj Ministrit të Financave dhe drejtorëve të thesarit në të gjithë Shqipërinë.

Përplasja ka lindur për shkak të mosekzekutimit të pretendimeve financiare për rritjen e pagave të trupës gjyqësore, veprim që Rama e ka cilësuar si një tentativë për të vendosur mbi paratë publike pa miratimin e Kuvendit.

Sot paga mesatare e gjyqtarëve në Shqipëri është 280% më e lartë se paga mesatare e administratës shtetërore; 60% më e lartë se paga mesatare e kolegëve magjistratë në Malin e Zi dhe Maqedoninë e Veriut; më e lartë se në Kroaci, Bullgari apo Serbi…

Read more:106 ditë revoltë/ Media e njohur amerikane: Protesta me pjesëmarrje masive, kjo është lëvizja më e gjerë kundër qeverisë, kërkohet dorëheqja e Ramës

Me rritjen e kërkuar me… pic.twitter.com/4sA3OElE5l

— Edi Rama (@ediramaal) September 13, 2026

Read more:Shërbimi i parë komercial i robotaksit në Evropë lansohet në Kroaci

Përmes një krahasimi të shifrave, Rama theksoi se sot paga mesatare e gjyqtarëve në Shqipëri është 280% më e lartë se ajo e administratës shtetërore dhe 60% më e lartë se e kolegëve të tyre në Malin e Zi dhe Maqedoninë e Veriut, duke tejkaluar edhe vendet si Kroacia, Bullgaria apo Serbia. Sipas kreut të qeverisë, pretendimet e reja të trupës gjyqësore do të krijonin një disbalancë të paprecedentë në piramidën e pagave në shtet.

“Me rritjen e kërkuar me llogarinë vetë Zot vetë Shkop, paga mesatare e gjyqtarëve bëhet më e lartë se në Greqi, Rumani e Slloveni dhe 140% më e lartë se në Mal të Zi dhe Maqedoninë e Veriut, ndërsa në raport me administratën shqiptare ajo kërcen në 470% më lart,” deklaroi Rama. Ai shtoi se me këtë rritje, paga mesatare e trupës gjyqësore do të shkonte 1,000 euro më e lartë se ajo e Presidentit të Republikës dhe 2,200 euro më shumë se e një ministri, ndërsa në nivelet më të larta të sistemit gjyqësor kjo diferencë do të arrinte deri në 6,300 euro mbi pagën e një ministri.

Read more:Një klub nga një qytet i vogël me 13 mijë banorë është pranë sensacionit – është në prag të hyrjes në Bundesligë

Kreu i kabinetit e cilësoi si një lëvizje të papranueshme kallëzimin penal të bërë ndaj zyrtarëve të financave për moslëvrimin e fondit të kërkuar. “Duket si fantazi e shfrenuar por në fakt është lënda e kallëzimit penal që shoqatat e gjykatësve i kanë bërë Ministrit të Financave dhe drejtorëve të thesarit në tërë Shqipërinë, pse nuk dorëzojnë çelësat e thesarit për marrjen e këtyre shumave marramendëse pa vendim të parlamentit,” përfundoi reagimin e tij kryeministri.