Në një intervistë në “News24”, Tedi Blushi tha se në krye të çdo skeme kriminale të vjedhjes së buxhetit të shtetit është kryeministri Edi Rama.
Gjatë intervistës ai u ndal te përgjigjet e Ron Yeffet duke thënë se është një skemë që tregon që shteti është i kapur nga gupet kriminale.
“Edi Rama ka vetëm një interes, të vjedhë taksat e shqiptarëve, duke përdorur sot Veliajn nesër Ballukun pasnesër Roni Yeffet… Një aferë që duhet të merrte fund me burgosjen e Veliaj, po fakti që taksat e shqiptarëve paguhen tregon që Edi Ramës kjo i intereson. Por kjo drejtësi nuk është në gjendje të parandalojë korrupsionin.
“Audiopërgjimet e Ron Yeffet tregojnë që shteti është kapur për fyti nga një organizatë kriminale dhe vendin e drejton Roni dhe Ronë të tjerë si ai. Modeli Gysi apo modeli Roni.
Skema mafioze KAYO, u themelia si kompani 100 % shtetëror ngarkuar nga ligji për të prodhuar armë, por për shkak se KAYO nuk e ushtronte dot atë detyrë që kërkonte ligji, u pajtuan 4 kompani private dhe shteti është aksioner me pakicë dhe kështu I shmangeshin kontrollit nga KLSH dhe auditit të brendshëm nga ministria e Mbrojtjes. Pra këto kompani thithin miliarda lekë taksa dhe askush nuk I kontrollon. Kjo është skema mafioze KAYO, dhe grupin tuaj mediatik ju si gazetarë u dhunuat u nxorët me dhunë nga ajo godinë që Edi Rama të vidhte dhe Rama përdor Ronin si mashë dhe për ta shitur si me qëndrimin që mbajti për Gysin. Pra e ka treguar që është mjeshtër për të keqpërdorur dhe të ngulë thikën pas shpine. Sepse ata që besojnë se janë bashkëpunëtor të Ramën, janë vetëm limona që presin të shtrydhen deri në momentin që Rama i përdor…”, tha ai.
