Shfrytëzoi vajza nga Evropa Lindore për prostitucion në Napoli, kapet në Peshkopi 40-vjeçari i dënuar me 9 vite burg në Itali (EMRI)

I dënuar me 9 vite burg në Itali për organizatë kriminale dhe shfrytëzim prostitucioni, 40 vjeçari Gëzim Dani alias Gëzim Hidri u arrestua sot në Peshkopi.

Hidri ishte shpallur në kërkim ndërkombëtar nga Interpol Roma. Sipas vendimit të Gjykatës së Apelit të Napolit, gjatë vitit 2009, 40 vjeçari shfrytëzonte vajza nga Evropa Lindore për prostitucion në zonën e Napolit.

Arresti i tij u krye falë bashkëpunimit të forcave operacionale të Dibrës, Interpol Romës dhe Interpol Tiranës. Kjo e fundit ka ka nisur procedurat, në bashkëpunim me autoritetet italiane, për ekstradimin e tij drejt Italisë.

Read more:Identiteti i tretë, shqiptari u bë ‘izraelit’ me dokument fals! Pezullohen 2 punonjës administrate, s’verifikuan siç duhet

Njoftimi i plotë i Policisë së Shtetit

“Finalizohet nga Drejtoria e Forcës së Posaçme Operacionale, në bashkëpunim me DVP Dibër, faza e radhës e operacionit të koduar “Fast”.

Kapet në Peshkopi, 1 shtetas me rrezikshmëri të lartë shoqërore, i dënuar në Itali, me 9 vjet burgim, për veprat penale “Organizata kriminale” dhe “Shfrytëzimi i prostitucionit”.

Read more:Policia e Kosovës: “Vila e Radoiçiqit” monitorohet me kamera, nuk lejohen aty persona të paautorizuar

Në vijim të bashkëpunimit nëpërmjet Interpol Tiranës dhe homologëve në Itali, për lokalizimin dhe kapjen e shtetasve të shpallur në kërkim ndërkombëtar, specialistët e Sektorit për Kërkimin (FAST Albania) në Drejtorinë e Forcës së Posaçme Operacionale në DPPSh, në bashkëpunim me shërbimet e DVP Dibër, finalizuan një tjetër fazë të operacionit të koduar “Fast”, gjatë së cilës u kap në Peshkopi dhe u arrestua shtetasi:

-Gëzim Dani alias Gëzim Hidri, 40 vjeç.

Ky shtetas ishte shpallur në kërkim ndërkombëtar nga Interpol Roma, Itali, pasi Gjykata e Apelit e Napolit, me vendimin e datës 15.11.2021, e ka dënuar me 9 vjet burgim, për veprat penale “Organizata kriminale” dhe “Shfrytëzimi i prostitucionit”, sepse ka shfrytëzuar vajza nga Evropa Lindore, për prostitucion, në zonën e Napolit, në vitin 2009.

Read more:Aksident i rëndë në aksin Maqellarë-Peshkopi, plagosen 4 persona! Nisen me urgjencë drejt Tiranës

Interpol Tirana, në bashkëpunim me Interpol Romën, vijon procedurën për ekstradimin e 40-vjeçarit, në Itali.”

——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë