Vendimi për caktimin e masës së sigurisë “arrest shtëpie” ndaj kreut të Shërbimit Informativ të Shtetit, Vlora Hyseni, në kuadër të hetimeve për të ashtuquajturën “afera e AKSHI-t”, ka rikthyer në vëmendje edhe disa deklarata të bëra më herët në Komisionin e Sigurisë.
Gjatë raportimit në Komisionin e Sigurisë disa kohë më parë, deputeti Klevis Balliu e kishte pyetur Hysenin nëse kishte pasur kontakte apo ishte takuar me Ergys Agasin, përpara marrjes së detyrës apo gjatë periudhës kur drejtonte Shërbimin Informativ të Shtetit.
Në atë seancë, Hyseni e mohoi se kishte pasur takime apo kontakte me Agasin.
Çështja mori vëmendje edhe për shkak të deklaratave të përsëritura të deputetit Balliu në media. Në disa dalje televizive, edhe në News24, Balliu ka pretenduar se SHISH ishte vënë në shërbim të Ergys Agasit, duke ngritur pikëpyetje mbi marrëdhëniet dhe kontaktet e mundshme mes institucioneve të sigurisë dhe personave që janë përmendur në hetimet për aferën e AKSHI-t.
Read more:“Dua lekët e kompensimit”/ I moshuari nga Vlora nga sheshi Skënderbej: Ja pse protestoj
Vendosja e masës “arrest shtëpie” ndaj Hysenit e rikthen këtë përballje politike në qendër të vëmendjes, ndërsa hetimet pritet të përcaktojnë nëse pretendimet e ngritura më herët kanë apo jo mbështetje në prova.
