Kreu i PD Sali Berisha ka vijuar të flasë sërish për skandalin më të madh të ditëve të fundit me kreun e SHISH, Vlora Hyseni, e cila është vendosur nën masën e sigurisë “arrest në shtëpi”.
Berisha ka pasur një debat edhe me kreun e Kuvendit, Niko Peleshi, të cilit i tha se “sillet si tuhaf”.
Debati:
Sali Berisha: Lubi Balluku ka vjedhur qindra milionë, ka prodhuar një ushtri Agasësh, por prapë ato janë dëme në euro, vjedhje, plaçkitje.
Sekreti i shtetit ka qenë në duart e Lubisë tjetër.
Shefi i shërbimit informativ di çdo sekret, dhe aq sa di kryeministri dhe presidenti, i di prej atij ose asaj.
Ajo, siç rezulton, e ka pajisur organizatën kriminale të Ergys Agasit me mjetet më të sofistikuara të regjimit.
Të gjithë jeni në dosje të filmuar. Ulsi, të ka dalë shumë herë emri.
Po nuk je vetëm ti. Nuk je jo, je me plot të tjerë.
Ku janë këta Agasët e Ballukut e të tjerë me radhë?
Pra, aty në zyrë që krijoi, të pajisur me të gjitha mjetet më të sofistikuara, të blera nga taksapaguesit shqiptarë ose dhuratë e partnerëve tanë për sigurinë kombëtare, për vëzhgimin e armiqve, janë përdorur për të gjitha qëllimet e ulëta të luftës brenda klaneve.
Janë përdorur që të gjitha në funksion të Troplinëve, Çelëve dhe bandave të tjera.
Tani edhe një gjë ti zotëri, kur unë deklarova para pesë gjashtë ditësh se kanë parashikuar të të zëvendësojnë me atë tjetrin, ti u solle si tuhaf.
Peleshi: Më merr të keqen
