Këshilli Bashkiak i Prrenjasit votoi në unanimitet kundër bashkimit me Bashkinë e Librazhdit.
Nga 17 anëtarët e pranishëm në mbledhjen e thirrur për t’u shprehur për Reformën Territoriale, 17 votuan kundër, pa asnjë kundërshtim.
Në këtë mbledhje gjithashtu u bë publik raporti i dëgjesave me qytetarët.
Nga 400 qytetarë të pranishëm në konsultimet publike, 398 u shprehën kundër bashkimit me Librazhdin dhe 2 u shprehën pro.
Drafti i propozuar nga mazhoranca për Reforma Administrativo-Territoriale parashikon uljen e numrit të bashkive nga 61 në 46, përmes shkrirjes ose bashkimit të 15 bashkive ekzistuese me ato fqinje.
Opozita e ka kundërshtuar ashpër draftin e mazhorancës, duke e quajtur proces të njëanshëm dhe duke kërkuar dëgjesa e referendume lokale para çdo ndryshimi. Votimi në Kuvend është parashikuar paraprakisht për datën 8 tetor 2026
