“Edi Rama dhe mazhoranca, turpi i Shqipërisë!”, Salianji: Kryeministri ia ka deleguar qeverisjen krimit, përmes Ergys Agasit, Belinda Ballukut, Ron Yefet & CO

Ish-deputeti i Partisë Demokratike, Ervin Salianji, ka akuzuar mazhorancën për lidhje me krimin e organizuar dhe korrupsionin.

Në një postim në rrjetet sociale, Salianji shkruan se “Edi Rama dhe qeveria e tij janë turpi i Shqipërisë”, ndërsa pretendon se gjatë qeverisjes së tij janë larguar apo dënuar qindra zyrtarë të lartë për vepra të rënda penale.

Read more:“Ministria e Mbrojtjes shpall fituese kompaninë me ofertë 2.7 milionë euro më të lartë për blerjen e avionëve zjarrfikës”/ Salianji: Qeveria nuk heq dorë nga korrupsioni. SPAK të hetojë

Ai akuzon qeverinë se ka lejuar përhapjen e trafikut të drogës dhe se institucionet shtetërore janë përfshirë, sipas tij, në veprimtari kriminale.

Read more:“Vlora Hyseni ju fiku radarët e shtetit!”/ Gazment Bardhi: Ia keni dorëzuar me vetëdije shtetin gupeve kriminale, janë ato që ju mbajnë në pushtet

Salianji përmend edhe arrestimet dhe hetimet ndaj zyrtarëve të lartë, duke deklaruar se sipas tij problematika ka prekur nivelet më të larta të pushtetit. Më tej, Salianji pretendon se krimi nuk është më jashtë institucioneve, por është bërë pjesë e tyre.

Read more:“Ka gjyqtarë që shkonin te Ergys Agasi”, Këlliçi: Në dosje janë të implikuar politikanë e prokurorë, do ta shihni…

Postimi i plotë;
Edi Rama dhe qeveria e tij janë turpi i Shqipërisë!
390 zyrtarë të lartë të larguar e të dënuar për vepra të rënda penale. Nga prostitucioni te krimi i organizuar, nga trafiku te hajdutëritë ordinere.
Një qeveri që e kanabizoi vendin me plan dhe më pas krijoi infrastrukturën për trafikun e kokainës dhe heroinës.
Dy zëvendëskryeministra të arrestuar. Ministra.Kryebashkiakë. Bashkëpunëtorë të afërt dhe sot drejtuesja e SHISH duke shkaterruar institucionet e sigurise kombëtare!
Një qeveri ku krimi nuk është më jashtë shtetit. Është brenda tij, i është dorëzuar krimit për të luftuar qytetarët!
Rama ka ndërtuar një vend ku krimi nuk kërkon më të ndikojë te pushteti por gjithë pushteti i është dorëzuar krimit.
Qeverisjen Edi Rama ia ka deleguar krimit përmes Ergys Agasit, Belinda Ballukut, Ron Yefet @co. Sot qeverisja e tij është e faktuar si më e korruptuara ne Evropë!
E ndërsa Shqipëria zbrazet, Rama vazhdon të mburret ne USA se është lart!
Thuajse 1 milion shqiptarë janë larguar.
Mijëra shqiptarë që jetojnë jashtë ngrenë flamurin shqiptar lart me punën, dijen dhe suksesin e tyre. Ndërsa këtu, në vendin e tyre, një profesionist duhet të marrë leje, të kalojë pengesa dhe të përkulet para njerëzve të krimit të veshur me pushtet për të nisur çdo lloj pune!
Kjo nuk është Shqipëria që meritojnë shqiptarët.
Kjo është Shqipëria që ndërtoi Edi Rama.
Prandaj Edi Rama dhe qeveria e tij janë turpi i Shqipërisë.
Duhet të largohen një orë e më parë.
Jo për një parti por për të shpëtuar Shqipërinë dhe shqiptarët.