Edhe Elvis Lila, i sapokomanduari në SHISH pas shkarkimit të Vlora Hysenit, pritet të shkojë në dyert e SPAK, për tu marrë në pyetje për të njëjtin hetim të hapur ndaj ish-kreut të SHISH. WebLajm raporton se SPAK mund ta thërrasë brenda pak ditësh kreun e ri, bashkë me drejtorin e operacioneve në Shërbimin Informativ Shtetëror, Jurgen Kole.
Sipas WebLajm, ka dyshime se Elvis Lila dhe Jurgen Kole “kanë lënë gjurmë në veprimet e tyre, jo vetëm në terren, por edhe në komunikimet operative lidhur me përdorimin e aseteve të SHISH-it në shërbim të grupeve kriminale”.
Emri i Jurgen Koles është përmendur nga kreu i PD-së Sali Berisha më 23 shtator, kur doli në një konferencë të radhës për mediat. Sipas Berishës, drejtori operativ në SHISH, ishte bashkëpunëtor i ngushtë i Vlora Hysenit, edhe në raport me biznesmenin e arrestuar tashmë nga SPAK, Ergys Agasin.
“ Jurgen Kola ka lokal në Bërzhitë dhe lokali i tij në Bërzhitë ka qenë një nga lokalet ku kjo bënte takimet me ‘bashkëpunëtorin’ e saj, Ergys Agasi. Jurgen Kola është pronari i pasurive të mëdha tokë të blerë në Arbanë. Sipas informacioneve, Jurgen Kola ka fshirë kamerat e lokalit të tij për të zhdukur gjurmët e takimeve të Vlora Hysenit me Ergys Agasit. Unë u bëj thirrje hetuesve dhe prokurorëve të çështjes të kontrollojnë kamerat e këtij dhe të hetojnë bashkëpunimin e tij. Ky është një drejtor shumë i rëndësishëm aty” , do të shprehej Berisha në konferencë.
Read more:Thirrjet e qytetarëve: Edi Rama frikacak, po të vjen radha për në SPAK
Ndërkohë, gazetari Arsen Rusta, shkruan në rrjetin social Facebook, se në Shërbimin Informativ Shtetëror janë fshirë të dhëna e prova nga kompjuterë. Sipas tij, megjithatë, të dhënat jo vetëm mund të rikthehen sërish me backup “por në kohë reale datat janë ruajtur dhe ju e dini përse edhe ku”, – shkruan gazetari Rusta.
