Ka vijuar edhe sot protesta e 119-të e qytetarëve që kërkojnë dorëheqjen e kryeministrit Edi Rama dhe largimin e qeverisë.
Protestuesit u bënë thirrje qytetarëve të tjerë që t’u bashkohen, ndërsa gjatë tubimit u dëgjuan edhe thirrje për revolucion dhe ndryshim politik.
Qytetarët vijuan marshimin në rrugët e Tiranës. Gjatë lëvizjes së tyre, ata u ndalën pranë zonës së Liqenit Artificial, ku u përballën me një kordon policie.
Efektivët ishin pozicionuar në rrugë, ndër të tjera edhe për shkak të ndeshjes që po zhvillohej në stadiumin “Air Albania”.
Read more:“Shqipëria e shqiptarëve, vdekje tradhtarëve”, vijon protesta qytetare kundër qeverisë
Protestuesit dhe policia diskutuan për disa minuta, ndërsa më pas situata vijoi pa incidente të raportuara dhe qytetarët e vazhduan marshimin në një tjetër aks të kryeqytetit.
Protesta vijon me thirrjet për dorëheqjen e kryeministrit Rama, ndërsa qytetarët shprehen se do të vazhdojnë të dalin në rrugë dhe t’u bëjnë thirrje të tjerëve t’i bashkohen protestës.
