Gjatë ndeshjes mes Shqipërisë dhe Bjellorusisë, e fituar 2:0 nga ekipi ynë kombëtar, kishte edhe shumë mesazhe pikante.
Në “Air Albania” u dëgjuan thirrje të fuqishme kundër qeverisë, duke kërkuar dorëheqjen e Ramës. “Rama jepe dorëheqjen”, u këndua në kor nga tifozët kuq e zi.
“Arrestoni Ramën”, ishte një nga parrullat në stadium.
Kreu i Grupit Parlamentar Gazment Bardhi përmes një postimi në rrjetet sociale shprehet se në Shqipëri, në diasporë, në stadiume, në shesh, shkolla, kudo ka vetëm një thirrje dhe ajo është “Rama jepe dorëheqjen”.
“Në Shqipëri, në diasporë, në stadiume, në sheshe, shkolla dhe kudo, ka vetëm një thirrje ‘Rama Shporru’”, shkruan Bardhi.
Pavarësisht se ishte vetëm futboll, tifozët kuq e zi në Air Albania shprehën pakënaqësinë e tyre ndaj kryeministrit Edi Rama, ndërsa mesazhi tërhoqi vëmendjen e të pranishmëve.
