Anëtari demokrat i Këshillit Bashkiak të Tiranës dhe ish kandidati për deputet i PD, Ilir Alimehmeti foli sot në mbledhjen e këshillit për zjarrin që përfshiu pallatin pranë QSUT dhe dëmtoi 71 apartamente.
Alimehmeti tha se duhet të merren masa për pallatet e tjera në Tiranë që mund të jenë përballë të njëjtit rrezik për shkak të materialeve që janë përdorur në ndërtimin e tyre, ndërsa për ndihmën financiare të caktuar prej 40 mijë lekësh ai shprehu se nuk mund të jetë e njëjtë për të gjithë banorët e prekur sepse hallet e tyre janë të ndryshme.
“Ajo që ne duhet të kuptojmë këtu është që bashkia nuk ka detyrë vetëm të vendosë një arrë në momentin që ndodh diçka, ju e dini që ne kemi shprehur vullnetin tonë pozitive në këtë drejtim. Por ne duhet të dalim para, pra sa të tjerë ka, mua më duket e rëndësishme si pyetje për këshillin bashkiak. Është e rëndësishme të dimë a ka dhe sa janë? Nuk dihet, nuk paska një listë, hajde ta bëjmë një listë, të shohim sa prej këtyre pallateve sot, janë 10, 20 apo 100 kanë një risk të këtij tipi dhe hajde të mendojmë që ne këto materiale t’i zëvendësojmë nga të djegshme në të padjegshme. Të na e thonë ekspertët patjetër, por duhet nisur kjo punë.
Nuk mund të shkojmë me logjikën që do zoti nuk ndodh më. E para sepse na kanë ndodhur edhe më parë gjatë mandatit të këshillit tonë, kemi dhënë dëmshpërblim për një tjetër pallat të djegur, nuk është i pari. Kështu që në këtë aspekt kjo është e rëndësishme dhe s’ka nevojë asnjëri prej nesh ta marrë këtë gjë si diçka personale. Ky është fakt, ka ndodhur, ndodhi dhe kësaj here dhe nuk mund ta lëmë për më tepër duke kuptuar diçka dhe unë e ngrita edhe në komision. Duke qenë se ky rast u bë tejet publik u shpjegua nga të gjitha mënyrat mediatike, politike, çdo lloj kanali dhe portali e dha, kemi një risk të madh jo vetëm të shqetësimit të njerëzve, por kuptuam se si me një zjarr shumë të vogël digjet një pallat. Dhe për këtë duhet një veprim i shpejtë dhe për një fatkeqësi të këtij tipi, unë prisja që të mblidhej komision i këshillit bashkiak për emergjenca civile.
U mblodh vetëm ai i çështjeve ligjore dhe ai ekonomiku. Dhe ndër të tjera vumë re që edhe vendimet që kanë marrë, unë nuk jam i qartë tani se për cilat do të votojmë, këtë vendimin me afat apo këtë pa afat. Ekonomia që u mbledh pas çështjeve ligjore ka vendosur një gjë tjetër të kundërt në krahasim me atë që vendosi ai i çështjeve ligjore, tani kjo gjë duhet sqaruar. Dhe në këtë aspekt nevojitet një plan.
Ne shkojmë me parimin që do ta rikonstruktojë ky zotëria, ka marrë plan tjetër bashkia nëse ky se bën? E zëmë se falimenton dhe ikën. Është vendosur një shifër 40 mijë lekë për të gjithë, ndërkohë aty s’është bërë një numër sa banorë janë, a janë fëmijë, të vjetër apo me nevoja të veçanta, të paktën te lista që na ka ardhur neve jo. Kjo është një listë e shpejtë, e kuptoj ama nuk kanë të gjithë të njëjtat halle. Në këtë aspekt duhet diskutuar kjo”, tha ali
