Pentagoni njoftoi papritur se sekretari i marinës amerikane, John Phelan, do të largohet nga puna. Nuk u dha asnjë arsye për largimin e papritur të zyrtarit më të lartë civil të marinës.
Ai i ishte drejtuar një turme të madhe marinsash dhe profesionistësh të industrisë në konferencën vjetore të marinës në Uashington vetëm dy ditë më parë.
Njerëz të njohur me dinamikën në Pentagon i thanë “The Guardian” se Phelan u shkarkua. Phelan kishte një marrëdhënie gjithnjë e më të tensionuar me sekretarin e mbrojtjes të SHBA-së, Pete Hegseth, dhe stafin tjetër të lartë.
Largimi i Phelan është i fundit në një seri ndryshimesh në udhëheqjen e lartë në Pentagon, që vijnë vetëm disa javë pasi Hegseth shkarkoi oficerin më të lartë të uniformuar të ushtrisë, Gjeneralin Randy George.
Phelan po largohet pikërisht në kohën kur marina amerikane ka vendosur një bllokadë të porteve iraniane dhe po synon të bllokojë anijet e lidhura me Teheranin në të gjithë botën gjatë një armëpushimi të brishtë në luftën e Iranit.
