TIRANË– Një ditë pasi në procesin për Sterilizimin gjykata vendosi që ish-ministri Ilir Beqaj të mos qëndrojë në kafaz, ai doli para GJKKO-së në një tjetër proces paralel, atë të abuzimit me fondet e BE në SASPAC. Për këtë dosje, Beqajt i është caktuar masa e sigurisë arrest me burg dhe gjatë zhvillimit të seancës ka qëndruar brenda kafazit të qelqtë. Edhe pse Beqaj kërkoi sërish të dalë nga kafazi dhe të qëndrojë krah avokatit të tij, kërkesa iu rrëzua nga GJKKO.
Report Tv mëson se Prokuroria e Posaçme dorëzoi një seancë një provë të re, një tabelë me të dhëna për shpenzimet e kryera nga një prej të pandehurve, Alfred Nikolla, në eventin “Festa”. Prova e re që iu paraqit gjyqtares Elsa Ulliri është gjetur në një laptop të sekuestruar nga SPAK gjatë kontrolleve të ushtruara gjatë këtij viti. Nikolli akuzohet për mashtrim me pasoja, falsifikim dokumentesh dhe korrupsion aktiv.
Read more (Gjykata):Mbajtja e të pandehurve në kafazin e qelqtë/ Caca: Është poshtëruese, ligji nuk e detyron gjykatën që ta bëjë! Petraj: Meta ishte shpërfytyruar si asnjëherë më parë
Avokatët kërkuan kohë të njihen me këtë akt të ri, për këtë arsye gjykata e Posaçme caktoi datën 6 maj ora 10.00 për seancën e radhës.
Read more (ilir beqaj):Skënder Minxhozi: Drejtësia me pesë yje po i ngjan frikshëm asaj të vjetrës
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
Lajmi në përditësim….
