ITALI – Prokuroria e Milanos është gati të hedhë sytë te një ndeshje e Serie A gjatë sezonit 2024-25. Bëhet fjalë për ndeshjen mes Interit dhe Romës, sfida kyçe e kampionatit që u fitua nga Napoli. Momenti që ka ngjallur dyshime në atë përballje ishte ajo që ndodhi në faullin e mundshëm të Ndicka ndaj Bisseck, episod në të cilin sistemi VAR nuk ndërhyri pas një kontrolli të shpejtë.
Sipas ‘La Repubblica’ ai që e këshilloi këtë ishte pikërisht Andrea Gervasoni duke trokitur në xhamin e sallës VAR edhe pse asistenti Piccinini kishte sinjalizuar dyshimet e tij te Di Bello për atë çfarë ndodhi, edhe ky i fundit i ndodhur para monitorit, ndërkohë që në fushë ishte arbitri Fabbri.
Read more (itali):Përplasi për vdekje një të moshuar dhe u largua nga vendi i ngjarjes, arrestohet 52-vjeçari shqiptar në Itali
Ndërhyrja e të mëdhenjve të AIA (Shoqata e Arbitrave) u sinjalizua në Prokurori nga Domenico Rocca, por edhe nga një ish arbitër tjetër. Që të dy konfirmuan atë çfarë po qarkullon në lidhje me sfidën e ‘San Siros’.
E marrim me radhë. Piccinini shfaqi dyshimet e tij rreth kontaktit Ndicka-Bisseck, Gervasoni trokiti në xham dhe më pas Di Bello e bëri asistentin e VAR të heshtë duke i thënë ‘Shih punët e tua’. Diçka që nuk dëgjohet në audion e shfaqura në ‘Open VAR’.
Read more (Serie a):Greenwood përpara transferimit më të madh në karrierë
Një mister i vërtetë ky që tani edhe Prokuroria kërkon ta zgjidhë. Gjithnjë sipas ‘La Repubblica’, prokurorët e Milanos, i rezervojnë vetes mundësinë për të marrë sa më shpejt të jetë e mundur në zotërim audion dhe videon origjinale të atyre minutave për të kuptuar atë çfarë ndodhi dhe për të përcaktuar përgjegjësitë e të pranishmëve. Mbetet për t’u kuptuar gjithashtu nëse Gervasoni do të pyetet edhe për këtë episod gjatë seancës së marrjes në pyetje.
Read more (Inter):Interi përgatit goditjen në afatin kalimtar, ylli Realit objektiv kryesor
Kujtojmë se ditët e fundit futbolli në Itali po përjeton momente jo të mira pas dyshimeve për ‘mashtrime sportive’ që lidhen me përdorimin e sistemit VAR për disa raste të dyshuara. Dizenjatori i arbitrave, Gianluca Rocchi është nën hetim dhe së bashku me të edhe katër arbitra. Rocchi u vetëpezullua nga posti që mbante.
