TIRANË– Këtë të enjte në orën 12:00 skadon afati për dorëzimin e kandidaturave që duan të bëhen pjesë e garës në zgjedhjet për kreun e Partisë Demokratike. Por, për Sali Berishën gara e 23 majit duket se do të jetë pa asnjë rival. Pasi udhëzimi që u mbajt sekret dhe u publikua vetëm 24 orë para përfundimit të afatit për dorëzimin e kandidaturave, të tjera parregullsi po dalin në pah.
Aktivistja shqiptaro-amerikane, Evi Kokalari që ka shprehur publikisht ambicien për tu bërë pjesë e garës, thotë se nuk e kanë lejuar të dorëzojë dosjen e aplikimit. Në një postim në Facebook, Kokalari shkruan se avokati i saj është kthyer mbrapsht nga roja i sigurisë në selinë e PD. Por pavarësisht kësaj, Kokalari thotë se dokumentet do tua dorëzojë me postë dhe e-mail para orës 12:00.
Të njëjtin fat si Kokalari pati dhe Alesia Balliu e Ervin Salianji, pasi përfaqësuesit e tyre nuk u është lejuar të dorëzojnë aplikimin. Selia blu përmes udhëzimit të mbajtur sekret, ka parashikuar se kandidimi i ndalohet personave të dënuar me vendim të formës së prerë, duke ngritur kështu një pengesë për Ervin Salianjin. Ndërkohë surprizë ishte paraqitja e mjekes Mejreme Sela, aplikimi i të cilës është pranuar.
Pavarësisht tentativave të Berishës, ish-deputeti zotohet se do të bëjë çmos që të marrë pjesë në garë, dhe se do të denoncojë çdo shkelje që mund të ndodhë gjatë procesit. Në një reagim për emisionin “Repolitix” me gazetarin e Report Tv Denis Minga, Salianji ka thënë: “Do depozitoj gjithçka është kërkuar, pavarësisht se është qartësisht farsë. Një dokument që publikohet vetëm disa orë pas mbylljes së afatit. Pa lista zgjedhore, pa kohë të barabartë, etj. Kjo është uzurpim përmes farsës, por qartësisht edhe frikë e Sali Berishës për t’u përballur”.
Read more (Para):Simeone dhe djali i tij e sulmuan fizikisht mbrojtësin e Arsenalit sepse eci mbi stemën e Atleticos
Udhëzimi i bërë publik dje, por i firmosur më datë 18 mars, ka bërë të qartë 3 kriteret që duhet të përmbushë një kandidat i mundshëm për tu bërë pjesë e garës për zgjedhjen e kreut të ri të PD.
Lajm në përditësim…
Gara për kreun e PD/ Alesia Balliu dërgon përfaqësuesin në selinë blu: Askush s’merr përsipër ta pranojë kërkesën për kandidim! Berishë frikacaku
Postimi i plotw i Alesia Balliut:
Berishë Frikacaku!
Berishë burrat në veri nuk i shmangen garës dhe nuk i druhen përballjes përkundrazi, e kërkojnë atë.
Por sot, ajo që po ndodh brenda Partisë Demokratike është zhgënjyese.
Read more (Facebook):Me IA kushdo mund të bëhet influencer
Kam dorëzuar një kërkesë zyrtare për të hyrë në garën për kreun e PD-së, dhe askush nuk po e merr përsipër ta pranojë.
Ky nuk është thjesht një refuzim është një tregues i qartë i mungesës së transparencës dhe garës së ndershme.
Berishë gjithmonë ka një moshë të koritesh por ti zgjodhe moshën më të keqe.
Read more (PD):Gara për kryetarin e PD më 23 maj/ Nesër në orën 12:00 afati i fundit për dorëzimin e kandidaturave
PD do ju kthehet demokratëve mos e harro kurrë, nuk do e gëzosh atë parti Sali Berisha.
Gara për kreun e PD/ Përballë Berishës vetëm një mjeke, Mereme Sela dorëzon kërkesën për kandidim (VIDEO)
Ndërsa në orën 12:00 të ditës së sotme skadon afati për dorëzimin e kërkesës për kandidimin në garën për kreun e Partisë Demokratike, në ambientet e selisë blu është paraqitur një kandidate e papërfolur më herët si pjesëmarrëse në zgjedhje.
Ajo është Merema Sela, mjeke në Qendrën Spitalore Universitare “Nënë Tereza”. Sela ka mbërritur në selinë blu për të dorëzuar dokumentacionin e nevojshëm për regjistrimin në zgjedhjet brenda partiake.
Read more (Alesia Balliu):‘Dështak prej 30 vitesh në politikë’, Balliu dhe Merkoçi përplasen në studio: Ti nuk di se çfarë flet! Je iluzionar
Gara për kreun e PD/ Përfaqësuesi i Alesia Balliut mbërrin në selinë blu për të dorëzuar kërkesën për kandidim
Ashtu siç e paralajmëroi mbrëmë në studion e “Repolitix” në Report Tv, Alesia Balliu ka dorëzuar ditën e sotme në selinë blu kërkesën për kandidim në garën për kreun e Partisë Demokratike, nëpërmjet një përfaqësuesi të saj.
Gara për kreun e PD/ Evi Kokalarit nuk i pranohet dokumentacioni në zarf, roja i PD i kthen pas avokatin te dera! Aktivistja: Do e çoj me email
Evi Kokalarit nuk i është lejuar të dorëzojë aplikimin për tu bërë pjesë e garës për zgjedhjen e kreut të ri të Partisë Demokratike. Avokati i saj nuk është lejuar të hyjë brenda në selinë blu teksa roja i ka thënë shprehimisht “Nuk pranojmë zarfe”.
Afati për dorëzimin e dokumentacionit është deri në mesditë, ndërsa Kokalari thotë se do ta nisë aplikimin me DHL, via texk dhe email. Postimin ajo e mbyll me fjalën “Kllounë”.
Read more (ervin salianji):Udhëzimi i PD e la jashtë garës për kryetar partie, Salianji për Repolitix: Nesër dorëzoj kërkesën për kandidim! Uzurpim, frikë e Berishës për t’u përballur!
Postimi i Evi Kokalarit
Ne orën 9:30 AM, avokati im në Tiranë ka shkuar në selinë e PD-së për të dorëzuar dosjen e aplikimit dhe roja nuk e ka lënë të hyjë brenda, por i ka komunikuar, pasi ka folur me dikë brenda, që: “nuk pranojmë zarfe.”
Ndërkohë, avokati ua ka bërë të qartë që është aplikimi im.
Do ta nisim me DHL dhe do t’ua dërgojmë atyre që duhet, via text dhe email përpara afatit të skadencës.
Clowns!!!
