Bernardo Silva do të largohet në fund të sezonit nga Manchester City dhe shumë klube janë vënë pas portugezit.
Sipas raportimeve të Gazzetta dello Sport, trajneri i Juventus, Luciano Spalletti, ka kontaktuar personalisht mesfushorin portugez Bernardo Silva, në përpjekje për ta bindur që t’i bashkohet klubit torinez në fund të sezonit.
I njëjti burim bën të ditur se agjenti i lojtarit ka qenë në negociata me drejtuesit e Juventusit prej disa javësh, duke përfituar nga fakti se kontrata e Silvës me Manchester City skadon në qershor.
Read more (Bernardo silva):Bernardo Silva thyen rekordin e fitoreve te Man Cityt, tejkaloi David Silvan
Telefonata direkte nga Spalletti shihet si një hap i rëndësishëm nga ana e klubit italian për të siguruar shërbimet e një prej mesfushorëve më cilësorë në Evropë. Përveç Juventusit, interes për Silvën kanë shfaqur edhe Benfica dhe Barcelona.
Raportimet shtojnë se Juventusi i ka ofruar 30-vjeçarit një kontratë trevjeçare me vlerë rreth shtatë milionë euro në sezon, duke e bërë atë një nga objektivat kryesorë për merkaton e verës./Telegrafi/
