Fluks i lartë mjetesh me targa të Kosovës është regjistruar në segmentin Morinë–Kukës, si pasojë e festës së 1 Majit dhe fundjavës së zgjatur, por edhe rikthimit të lëvizjes së lirë pa kontrolle në kufirin e përbashkët Shqipëri–Kosovë.
Që nga orët e para të mëngjesit të së premtes, rritja e qarkullimit ka qenë e ndjeshme në pikën kufitare të Morinës, ku sipas të dhënave paraprake, deri tani kanë hyrë në territorin shqiptar rreth 18 mijë shtetas nga Kosova.
Read more (1 maji):Shënohet Dita Ndërkombëtare e Punës – mes luftës për të drejtat e punëtorëve dhe një dite pushimi
Fluksi i lartë ka shkaktuar ngarkesë në segmentin rrugor Kukës–Morinë, ndërsa autoritetet kufitare po punojnë për të menaxhuar lëvizjen e lirë.
