Në një intervistë në studion e “News24”, gazetarja Klodiana Lala ndërsa foli për arrestimin e Egys Agasit, u shpreh se krimi i organizuar ka shtrirë tentakulat kudo.
Ndërsa shtoi se mund të këta pasur ‘një bashkëpunim në heshtje’ me forca të tjera politike.
Read more:Berisha bashkëbisedim me qytetarët: Krimi i organizuar sundon vendin, Rama vijon pushimet
“Ndikimi i krimit të organizuar në shitblerjen e votës. Të blindosh veten dhe të mos kesh asgjë që të kundërvihet. Pra bën çfarë të duash pa patur forcë të të lëkundë pushtetit. E kemi parë se si krimi i organizuar ka shtrirë tentakulat. Janë sekuestruar komplekse luksoze…para që kanë hyrë në mënyrë të pakontrolluar, para që kanë deformuar ekonominë shqiptare… Mendoj që ka patur bashkëpunim në heshtje me forca të tjera politike. Nëse vendos të flasë, shumëkush rrezikon. Por është ende herët”, u shpreh ajo.
Pyetje: A ka qenë në zyrën e tij edhe Edi Rama?
Klodiana Lala: Nuk jam në gjendje ta them këtë. Nuk mund të abuzoj me të drejtën e fjalës, por di që koordinonte gjithçka që ndodhte me botën e krimit për llogari të mazhorancës.
Gjithashtu gjatë intervistës tha se në vjeshtë pritet të ketë zhvillime të rëndësishme.
“Ka pasur një interesit të shtuar të ambasadës gjermanë në raport me Prokurorinë e Posaçme. Ka qenë e interesuar sa i përket ecurisë së hetimeve në raport me Ergys Agasi. Pra Agasi në njëfarë mënyrë ishte një person që përmes grupit të strukturuar kriminal që drejtonte po deformonte konkurrencën e lirë në Shqipëri. Pra e shoh shumë me të gjerë këtë gjë. Agasi nuk kishte pozicion zyrtar, por ka vetëm një fragment të transkriptuar ku Mirlinda Karçanaj i kërkohej tenderi është 2 milionë dhe bëhej 4 dhe kjo bëhej me një të rënë të lapsit. Por ne kemi parë vetëm majën e ajsbergut. Dhe grup i strukturuar kriminal brenda një institucioni shtetëror dhe të diktohet gjithë menaxhimi i parasë publike tejkalonte çdo imagjinatë. Vjeshta? Do të ketë lajmë të rëndësishme, zhvillime të rëndësishme. Disa hetime janë duke vijuar. Mendoj që do ketë zhvillime të rëndësishme”, shtoi ajo.
