Emiratet e Bashkuara Arabe kanë ndaluar qytetarët e tyre të udhëtojnë drejt Iranit, Libanit dhe Irakut, për shkak të zhvillimeve të fundit në rajon.
Në një njoftim zyrtar, Ministria e Jashtme u bëri thirrje të gjithë shtetasve të vetë që ndodhen aktualisht në këto vende të largohen sa më shpejt dhe të kthehen në atdhe.
“Duke marrë parasysh zhvillimet aktuale, Ministria e Punëve të Jashtme njofton ndalimin e udhëtimit për shtetasit e Emirateve të Bashkuara Arabe drejt Iranit, Libanit dhe Irakut. Ministria u bën thirrje të gjithë shtetasve që ndodhen në këto vende të përshpejtojnë kthimin e tyre të menjëhershëm në Emiratet e Bashkuara Arabe”, thuhet në deklaratë.
Read more (Emiratet e Bashkuara Arabe):Pse Emiratet e Bashkuara Arabe dolën nga OPEC dhe çfarë ndodh tani? A do të bjerë çmimi i energjisë?
Vendimi vjen në një kohë tensionesh të shtuara në Lindjen e Mesme, me përshkallëzim të situatës së sigurisë në disa zona.
