Të paktën një person ka gjetur vdekjen ndërsa disa të tjerë janë lënduar pasi një elefant i sjellë në një tempull në Kidangoor në Angamaly u bë i dhunshëm të premten, duke sulmuar disa persona.
Sipas mediave të huaja, përcjell Telegrafi, elefanti gjigant është parë duke sulmuar automjetet e parkuara pranë tempullit.
Elefanti thuhet se përmbysi një makinë disa herë, duke e shkatërruar plotësisht atë, dhe gjithashtu dëmtoi disa motoçikleta të parkuara aty pranë.
Read more (Sulm):Nga burgu në spital, fitueses iraniane të çmimit Nobel për Paqe i përkeqësohet gjendja shëndetësore
Një Skuadër Elefantësh e Departamentit të Pyjeve u përpoq ta vinte kafshën nën kontroll përpara se të mund të largohej nga ambientet e tempullit në një zonë më të populluar, tha policia.
Një oficer nga stacioni i policisë së Angamaly tha se një shofer kamioni u vra në sulm.
Read more (Telegrafi):Filmi zviceran ‘Heldin’ me Ridvan Muratin shpërblehet në Swiss Prix Walo
“Elefanti vazhdoi të jetë i dhunshëm dhe Skuadra Elefantësh po përpiqej ta kapë atë. Përveç kësaj, një veteriner është angazhuar gjithashtu për të qetësuar elefantin gjigant, nëse është e nevojshme”, citohet të ketë thënë ai. /Telegrafi/
