Tragjedi në Durrës! Mjeti me shpejtësi u merr jetën 2 të miturve, një tjetër rëndë te Trauma! Shoferi i dehur në pranga: I mora fëmijët në qafë! VIDEO e përplasjes

Report Tv ka siguruar dëshminë e dhënë në Polici nga 57-vjeçari Nikoll Radaçi, shkaktari i aksidentit tragjik në Durrës që iu mori jetën 2 të miturve dhe la të plagosur rëndë një tjetër.

Radaçi ka shfaqur pendesë të thellë para bluve, duke thënë se nuk e meritonte që të jetonte më.

Read more:Aksident tragjik në Turqi/ Përmbyset autobusi me pasagjerë, raportohet për 4 viktima dhe 15 të plagosur (VIDEO)

Po ashtu Radaçi ka pranuar se kishte konsumuar alkool para ngjarjes dhe se nuk mbante mënd asgjë se çfarë kishte ndodhur.

“Nuk mbaj mend asgjë. Çfarë ka ngelur të them. Mora në qafë fëmijët. Nuk e meritoj jetën. Pata pirë para ngjarjes”, ka thënë mes të tjerash Radaçi.

Ndërkohë nga policia bëjnë me dije se ai është në gjendje të rënduar psikologjike. Po ashtu mësohet se testi i alkolit e nxorri 0.7 % sasinë e alkolit të konsumuar nga Radaçi para aksidentit.

Të tjera detaje kanë dalë nga ngjarja e rëndë e ndodhur ditën e sotme në Durrës, ku 57-vjeçari Nikoll Radaçi, duke drejtuar automjetin, përplasi për vdekje 2 të mitur, la të plagosur rëndë një tjetër fëmijë dhe të lënduar më lehtë 2 të rritur.

Burime për Report Tv bëjnë të ditur se shoferi Radaçi, pas aksidentit tragjik, është larguar me vrap nga vendi i ngjarjes, me qëllim që të arratisej.

Po ashtu mësohet se ai u kap nga një patrullë policie në një rrugë pranë vendit të ngjarjes, disa minuta më pas.

Pasi u kap nga efektivët, Radaçi ka thënë se u largua nga vendi i ngjarjes pasi ishte i shokuar.

Prindërit e 10-vjeçarit Klersi Petrit Nikolli, i cili mbeti i vdekur në aksidentin tragjik në Durrës, ku humbi jetën edhe një tjetër i mitur, ndodhen në Itali.

Burime për Report Tv bëjnë me dije se prindërit e 10-vjeçarit ndodheshin në Itali, pasi babai i tij, Petriti, po kurohej nga një sëmundje e rëndë.

Të tjera detaje kanë dalë mbi aksidentin tragjik të ndodhur ditën e sotme në zonën e ish-Kënetës në Durrës, ku humbën jetën 2 të mitur dhe një tjetër mbeti i plagosur rëndë.

Sipas burimeve, në momentin e aksidentit kanë qenë 5 persona. Dy prej tyre (të rritur) u plagosën më lehtë dhe arritën të shpëtonin mrekullisht. Pas marrjes së ndihmës së nevojshme mjekësore, ata kanë lënë ambientet e spitalit.

3 fëmijët dhe 2 më të rriturit (25 dhe 30 vjeç) ishin para shtëpive të tyre kur u aksidentuan, ndërkohë që dyshohet se drejtuesi i mjetit mund të ketë qenë në gjendje të dehur, ç’ka ka bërë që ai të humbë kontrollin dhe të shkaktojë tragjedinë.

Report Tv ka siguruar videon e aksidentit në Durrës, ku një automjet përplasi për vdekje 2 fëmije, si dhe plagosi rëndë një tjetër, i cili është dërguar në Spitalin e Traumës në Tiranë.

Read more:Tragjedi në Durrës! Mjeti me shpejtësi skëterrë u merr jetën 2 të miturve, një tjetër rëndë te Trauma! Po luanin në trotuar, arrestohet shoferi, dyshohet i dehur! VIDEO e përplasjes

Pamjet e aksidentit janë tronditëse. Ato tregojnë se si makina me shpejtësi skëterrë përplas për vdekje të miturit, njërit prej të cilëve i kalon sipër duke i marrë jetën në vend.

Gjithashtu, në video shfaqet shoferi në momomentit që del menjëherë nga makina dhe fillon të bërtasë “o Zot çfarë bëra”. Më pas duket sikur largohet nga vendngjarja. Të paktën del jashtë rrezes së filmimit të kamerës së sigurisë që ka regjistruar momentin tragjik.

Situatë të rëndë dhe tragjie e kanë cilësuar banorët e lagjes nr.15 në Durrës, përplasjen e 5 personave, 3 prej tyre fëmijë, ku 2 prej të cilëve ndërruan jetë. Ata bënë apel për më shumë kontrolle të Policisë në zonë dhe për më shumë kujdes nga shoferët.

Për një të moshuar, banor të zonës, është tragjike që makina të ta shtypë fëmijën para derës së shtëpisë. Ngjarja që u ndodhi sot këtyre të miturve, sipas tij mund t’i ndodhë nesër çdokujt.

“Jemi pa fjalë. Të ta shtypin fëmijën para shtëpisë, është tragjike. Ka një problem këtu, ecin shpejtë shoferët, ecin shpejtë shoferët, por Policia duhet të bëjë më tepër kontrolle në këtë rrugë. Asnjëherë nuk vjen Policia këtu, edhe është njoftuar nga ana jonë. Ky është problemi”, tha një tjetër banor i zonës.

Një tjetër banor i zonës tha se momenti i përplasjes së fëmijëve ishte shumë i rëndë, pasi sipas tij, makina i mori të miturit për disa metra zvarrë.

“Ngjarje më të rëndë s’kemi parë. Unë isha ulur në kafe. Fëmijët ishin ulur, imagjino nga goma atje, i ka çuar, i ka plasur atje. Situatë më të keqe s’kemi parë. Veç kam parë kur ka kërcit, që i ka marrë zvarrë. Shoferët ecin shumë shpejtë në këtë rrugë. Disa janë edhe të lagjes, pa patenta, por ecin kokërr plumbi”, tha një tjetër banor i lagjes nr.15 në Durrës.

Ndërsa një grua, banore e zonës, tha se dy prej fëmijëve të aksidentuar ishin kushërinj të parë me njëri-tjetrin.

“Si të tërbuar ecin njerëzit këtu në rrugë. Po bëhet rruga këtu gjak dynjaja përditë e përnatë. Njëri është komshi këtu, tjetri komshi këtu. Të lagjes i kemi, i kemi rritur, ju dhemb mishi, të vegjël. Dy ishin çun halle, çun daje. Këtë këtu jo, e kemi komshi thjeshtë. Njëri është në Tiranë, 2 kanë vdekur, i katërti ka shpëtuar thonë. Të vihet rregull”, tha një banore e zonës.

Për një tjetër banore të zonës, fëmijët në lagjen nr.15 në Durrës janë të pasigurit, pasi automjetet dhe motorat atje qarkullojnë me shpejtësi të lartë. Ajo tha se të rinjtë e lagjes pinë drogë gjatë gjithë kohës.

“Apelin e kemi, Policia të veprojë si duhet. Të shtojë forcat në rrugë. Se po vriten. Kalojnë makinat këtu mbi 160 km në orë. Fëmijët tanë janë të pasigurtë. Siç u gjetën këta fëmijë në rrotat e makinës, mund të gjenden edhe të tjerët. Po tmerrohemi. Këtu pinë drogë, vjen rruga era drogë”, tha një tjetër banore.

Ndërkohë një e afërme e njërit prej të aksidentuarve duke bërtitur e ulëritur, në kushte të rënda psikologjike, deklaroi se në Shqipëri shteti nuk ekziston.

“Ku është shteti i dreqit këtu? Ka mbaruar njerëzimi. Fëmija t’u luajt, e ka hedh makina atje poshtë. Latë nam latë”, tha një e afërme e njërit prej të miturve të aksidentuar.

Report Tv ka siguruar foton e Nikoll Radacit, drejtuesit të mjetit të përfshirë në aksidentin tragjik në Durrës, ku humbën jetën dy fëmijë të mitur dhe një tjetër mbeti i plagosur rëndë.

Read more:Tragjedi në Durrës! Mjeti me shpejtësi skëterrë u merr jetën 2 të miturve, një tjetër rëndë te Trauma! Po luanin në trotuar, arrestohet shoferi, dyshohet i dehur! VIDEO e përplasjes

57-vjeçari është arrestuar nga policia dhe ndodhet në komisariat, ndërsa ndaj tij pritet të vijojnë procedurat ligjore.

“Rreth orës 14:20, në lagjen nr. 15, në Durrës, një automjet i drejtuar nga shtetasi N. R., rreth 57 vjeç, ka aksidentuar tre fëmijë të mitur, të moshës rreth 10 vjeç.

Si pasojë e aksidentit, dy prej të miturve kanë humbur jetën, ndërsa i mituri tjetër është në gjendje të rëndë dhe po transportohet për ndihmë më të specializuar në Tiranë.

Drejtuesi i automjetit është shoqëruar në Komisariat për veprime të mëtejshme.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit”, njoftoi policia.

Një banor që u ndodh në vendin e aksidentit në lagjen nr.15 në Durrës, ku 3 fëmijë dhe 2 të rritur u përplasën me makinë, 2 prej të cilëve (të mitur) ndërruan jetë, e ka përshkruar momentin e tragjedisë si të frikshëm.

Për Report Tv banori, i cili kishte shkuar në lagjen nr.15 te njerëzit e bashkëshortes, tha se sapo kishte kaluar nga njëri krah i rrugës në krahun tjetër, në momentin e përplasjes.

Teksa e cilësoi situatën e aksidenteve në akset rrugore si alarmante, ai tha më tej se pas përplasjes së të miturve, njerëzit dolën në rrugë dhe po ulërinin.

“E frikshme. Sa kalova me familjet atje unë. Unë rri matanë me qira, do vija te njerëzit e nuses. Sa kalova para makinës, vetëm kur ja bëri bam ktej. Dolën njerëzit po ulërinin. S’ka më keq, ke frikë të dalësh nga shtëpia”, tha një prej banorëve të lagjes.