Një rrjet i madh vjedhjesh makinash dhe pjesësh në New York City është zbuluar nga autoritetet, ku mbi një duzinë persona përballen me akuza të rënda.
Prokurorët thonë se grupi lidhet me 252 raste vjedhjesh dhe një aktakuzë prej 971 pikash, ndërsa vlera e pronës së vjedhur arrin mbi 1.2 milionë dollarë (rreth 1.1 milionë euro).
Por çfarë bie në sy, sipas raportimeve, të dyshuarit fokusoheshin te makinat e zakonshme si Honda dhe Toyota, pasi ato janë më të lehta për t’u shitur dhe më të vështira për t’u gjurmuar në tregun e pjesëve të përdorura.
Ata operonin kryesisht gjatë natës, nga mesnata deri në orët e para të mëngjesit, duke përdorur makina të vjedhura për të lëvizur nga një objektiv në tjetrin.
Read more:Pronat në Beograd të Radulle Steviqit, njërit nga të akuzuarit për sulmin në Banjskë
– YouTube www.youtube.com
Hetimet tregojnë se grupi ka vjedhur 11 makina, të paktën 69 konvertues katalitikë dhe rrota me goma nga 172 automjete.
Dëmet totale arrijnë rreth 724,669 dollarë (rreth 667,000 euro), ndërsa vlera e pjesëve të vjedhura shkon në 1,201,689 dollarë (rreth 1,105,000 euro).
Shumica e mallrave të vjedhura, sipas hetuesve, shiteshin menjëherë në platforma online në të gjithë SHBA-në.
Read more:Top 10 veturat më të vjedhura në SHBA në 2025
Gjithashtu, grupi përdorte parkingje publike si baza operative, ku ruanin automjetet para dhe pas vjedhjeve.
Në një rast, policia gjeti edhe një valixhe me mbi 100 mijë dollarë cash (rreth 92,000 euro), të lidhura me këtë aktivitet kriminal. /Telegrafi/
