Komuna e Rahovecit ka njoftuar se më 9 dhe 10 maj 2026 do të ketë kufizime të përkohshme për parkimin e automjeteve në qendër të qytetit, për shkak të punimeve që do të zhvillohen për lyerjen e rrethojës në sheshin qendror.
Sipas njoftimit, gjatë këtyre dy ditëve, parkingu te palestra sportive, si dhe hapësira brenda sheshit, do të jenë të mbyllura për parkim.
Read more:Rrahje mes dy personave në Rahovec, njëri dërgohet në mbajtje
Komuna ka bërë thirrje për mirëkuptim dhe bashkëpunim nga qytetarët, duke theksuar se masat po merren për mbarëvajtjen e punimeve dhe ruajtjen e sigurisë publike gjatë periudhës së realizimit të tyre. /Telegrafi/
