Forcat ajrore të Nigerise kanë goditur gabimisht një treg të frekuentuar në shtetin Zamfara, duke shkaktuar një tragjedi të rëndë me dhjetëra viktima civile.
Read more:Përplasi për vdekje 2 të miturit në Durrës, shoferi në polici: Më vrisni, nuk meritoj të jetoj!
Sipas organizatës Amnesty International, të paktën 100 persona kanë humbur jetën në sulmin ajror të ndodhur të dielën në tregun Tumfa, në zonën Zurmi të shtetit Zamfara, në veriperëndim të vendit. Dëshmitarë okularë raportojnë se avionë luftarakë janë parë mbi zonë rreth mesditës dhe janë rikthyer disa orë më vonë për të bombarduar tregun, ku ndodheshin dhjetëra civilë, përfshirë gra dhe fëmijë.
Amnesty International i ka bërë thirrje autoriteteve nigeriane të hapin një hetim të plotë mbi sulmin, të cilin e cilëson “të tmerrshëm” dhe me pasoja të rënda për popullatën civile.
Organizata kujton se ky nuk është një rast i izoluar, duke përmendur një tjetër sulm të ngjashëm në prill në komunitetin Gili, pranë shteteve Borno dhe Yobe, ku gjithashtu mbi 100 civilë humbën jetën gjatë operacioneve ajrore të ushtrisë kundër grupeve xhihadiste të Boko Haram. Ngjarja e fundit ka rritur shqetësimet për sigurinë e operacioneve ushtarake në veri të Nigerisë dhe rrezikun e viktimave civile në luftën kundër ekstremizmit të armatosur.
Read more:Dyshohet se dhunuan një grua, arrestohen dy persona në Istog
