Tre persona, përfshirë dy fëmijë, humbën jetën të dielën në Holandë, pasi një makinë përplasi një grup prej 14 fëmijësh me biçikleta gjatë një ekskursioni shkollor, njoftuan autoritetet.
Aksidenti ndodhi rreth orës 12:30 të pasdites në një autostradë pranë Vogelwaarde, në provincën Zeeland.
Sipas autoriteteve, makina përplasi një grup prej 14 fëmijësh me biçikleta dhe dy shoqërues të tyre gjatë ekskursionit. Tre persona, dy fëmijë dhe një i rritur humbën jetën në vend.
Katër fëmijë të tjerë që u plagosën rëndë u dërguan menjëherë në spital, ndërsa autoritetet po vazhdojnë hetimet për të përcaktuar shkaqet e aksidentit.
