Presidenti i Ukrainës, Volodymyr Zelensky, ka deklaruar se Rusia ka refuzuar disa mundësi për takime që do të mund të çonin drejt vendimeve konkrete për përfundimin e luftës.
Sipas tij, është propozuar që një takim me palën ruse të zhvillohej në kuadër të G7, me mbështetjen e Shteteve të Bashkuara dhe Francës, por presidenti rus Vladimir Putin e ka refuzuar këtë mundësi.
Zelensky tha gjithashtu se është sugjeruar edhe organizimi i një takimi në Shtetet e Bashkuara, në një format që do ta bënte më të vështirë refuzimin nga ana e Moskës, përfshirë edhe një takim të mundshëm në prani të Presidentit amerikan Donald Trump.
“Do të shohim se çfarë ndodh. Nëse Rusia refuzon edhe këtë mundësi, do të nevojitet presion i mëtejshëm,” u shpreh Zelensky.
