Sipas një raportimi të CNN, Kryeministri i Izraelit Benjamin Netanyahu po kërkon të ndikojë në tekstin e marrëveshjes përfundimtare mes SHBA-së dhe Iranit.
Burimet bëjnë me dije se po përdoren parlamentarë dhe komentatorë pro-Izraelit për të ushtruar presion mbi Presidentin Donald Trump.
Sipas një burimi izraelit të cituar nga CNN, Netanyahu është skeptik për negociatat SHBA–Iran dhe beson se Teherani nuk ka qenë kurrë i gatshëm të negociojë me mirëbesim.
Raporti shton gjithashtu se Netanyahu mendon se një marrëveshje përfundimtare mes SHBA-së dhe Iranit ka pak gjasa të arrihet, pasi Irani nuk do të pranojë kufizime reale në programin e tij bërthamor.
