Për të tretën ditë me radhë vijon përplasja në kantierin e Aeroportit të Vlorës mes kompanive 2A Group dhe MABCO, duke krijuar tensione dhe paqartësi mbi ecurinë e punimeve në një nga projektet më të rëndësishme infrastrukturore për jugun e vendit.
Përfaqësues të kompanisë 2A Group kanë bllokuar hyrjet dhe punimet brenda aeroportit, ndërsa përfaqësues të MABCO kanë bllokuar hyrjen kryesore të kantierit. Palët ende nuk kanë arritur një dakordësi, ndërsa situata në terren mbetet e tensionuar dhe punimety vijojnë të mbeten të pezulluara.
Përfaqësuesi i MABCO, Emin Pacolli, ka deklaruar se ekziston një vendim gjykate që u jep të drejtën të hyjnë dhe të vijojnë punimet, duke theksuar se 2A Group ka bllokuar në mënyrë të paligjshme hyrjen. Sipas tij, situata mund të përshkallëzohet nëse nuk ndërhyhet për zgjidhjen e konfliktit
Aeroporti i Vlorës është cilësuar si një investim strategjik për jugun e Shqipërisë, por konfliktet e fundit në kantier kanë shtuar pikëpyetje mbi ritmin e punimeve dhe përgjegjësinë e institucioneve për të garantuar vijimin e projektit pa vonesa të mëtejshme.
Lajm në përditësim…
