Mars-Maj 2026, jo vetëm më shumë para për buxhetin, por manaxhim dhe shërbim më cilësor ndaj operatorëve ekonomikë dhe qytetarëve. Mallrat e akcizës, me shtesë në zhdoganime
Dogana Shqiptare ka përmirësuar në mënyrë të ndjeshme performancën gjatë muajve të fundit, duke siguruar, jo vetëm të ardhura më të larta për buxhetin e shtetit, por mbi të gjitha një manaxhim dhe shërbim më cilësor ndaj operatorëve ekonomikë dhe qytetarëve.
Referuar të dhënave nga administrata doganore, të ardhurat në periudhën tremujore Mars-Maj 2026 jane realizuar në masën 62,1 miliardë lekë, duke reflektuar rreth 102 % të planit. Në krahasim me të njëjtin tremujor të vitit 2025 janë realizuar rreth 3 miliardë lekë më shumë ose 105,2%.
Read more:Ndryshimet e Bordit të Transparencës/ Bie çmimi i naftës, ndryshon edhe benzina
Vlen të theksohet se kjo rritje e të ardhurave është realizuar pavarësisht ndikimit jopozitiv të kursit të këmbimnit. Shkëmbimi i lekut me monedhat e huaja ka dhënë një ndikim tkurres te të ardhurave prej 1,8 miliard lekë, që është rekuperuar nga performanca shumë e mirë e administratës doganore. Pa këtë ndikim, realizimi i planit do të ishte 104,8%, ose rreth 4,8 miliardë lekë më shumë se e njëjta periudhë e vitit 2025.
Karburanti është artikulli që është ndikuar në mënyrë të drejtpërdrejtë nga situata ndërkombëtare. Sipas ekspertëve të doganës, krahasimi që mund t’i bëhet kësaj situate është e njëjtë me atë të vitit 2022, që u ndikua nga lufta në Ukrainë. Madje këtë vit fenomeni është shumë më i fortë, duke qenë se Rusia furnizon rreth 9% të kërkesës totale botërore, ndërsa Ngushtica e Hormuzit furnizon rreth 20% të nevojave botërore në naftë.
Read more:Dogana e Shtutgartit konfiskon 250 kg suxhuk në autobusin që vinte nga Kosova
Krahasuar me vitin 2022, në të njëjtën periudhë Mars-Maj, gjatë vitit 2026 janë zhdoganuar rreth 36,000 ton më shumë.
Karburanti mars-maj
Viti 2022 132,817
Viti 2026 168,749
Megjithatë të gjithë mallrat e akcizës kanë patur një performancë shumë të mirë në të ardhurat nga doganat, ku domethënëse janë të dhënat për zhdoganimet e cigareve gjatë periudhës mars-maj 2026, krahasuar me të njëjtën periudhë të viteve të shkuar.
Read more:Koleksioni i rrallë i monedhave dhe kartëmonedhave shqiptare i ekspozuar në Tiranë
Me tregues të ndjeshëm rritjeje është edhe kafeja, duke arritur në një shifrën më të lartë të importit gjatë tre muajve të fundit, krahasuar me vitet e shkuara.
Rritja e të ardhurave është shoqëruar edhe më përmirësimin e shërbimit të administrates doganore ndaj sipërmarrjeve dhe qytetarëve, duke ndikuar kryesisht në thjeshtimin e procedurave dhe uljen e kohës së përpunimit.
