Një zjarr përfshiu një ambient pranë një apartamenti në katin e tetë të një pallati në rrugën Transballkanike në Vlorë, duke shkaktuar frikë te banorët.
Sipas të dhënave paraprake, dyshohet se zjarri është shkaktuar nga një shkëndijë elektrike në ballkon, ku kanë marrë flakë disa materiale plastike. Flakët dhe tymi i dendur alarmuan banorët që thirrën zjarrfikësen dhe policinë.
Zjarrfikësit e Vlorës ndërhynë menjëherë dhe arritën ta vënë zjarrin nën kontroll, duke shmangur përhapjen e tij në apartamentet e tjera të pallatit.
Si pasojë e zjarrit, tymi ka shkaktuar dëme në ambientet e apartamentit të prekur, si edhe në hapësirat e përbashkëta të pallatit.
