Monitorimi ajror kundër kultivimit të bimëve narkotike, Hita pret në takim delegacionin e lartë të Guardia di Finanza-s! I pranishëm edhe Komandanti Joselito Minuto

Drejtori i Përgjithshëm i Policisë së Shtetit, Skënder Hita, ka pritur sot në takim një delegacion të lartë të Guardia di Finanza-s, i kryesuar nga Komandanti i Operacioneve Ajrore Detare, Gjeneral Divizioni Joselito Minuto.

Përmes një njoftimi, Policia e Shtetit bën të ditur se takimi është zhvilluar në kuadër të monitorimit ajror të territorit kundër kultivimit të bimëve narkotike.

Gjatë takimit Hita falënderoi përfaqësuesit e Guardia di Finanza-s për partneritetin e qëndrueshëm dhe theksoi se ky model bashkëpunimi ka tejkaluar prej kohësh kufijtë formalë të marrëdhënieve institucionale.

Read more:Protesta/ Hita: Sulm i koordinuar ndaj bizneseve të turizmit! Mbi 10 mijë llogari në rrjete po japin review negative, po i verifikojmë! Cenohet ekonomia dhe imazhi i vendit

Nga ana tjetër, Gjeneral Divizioni Joselito Minuto rikonfirmoi angazhimin e Guardia di Finanza-s për intensifikimin e monitorimit ajror, nëpërmjet shtimit të fluturimeve dhe verifikimit të çdo koordinatë të raportuar si zonë me risk për kultivimin e bimëve narkotike.

Njoftimi i Policisë:

Monitorimi ajror i territorit kundër kultivimit të bimëve narkotike, Drejtori i Përgjithshëm i Policisë së Shtetit pret Komandantin e Operacioneve Ajrore Detare të Guardia di Finanza-s

Delegacioni i lartë i Guardia di Finanza-s, i kryesuar nga Komandanti i Operacioneve Ajrore Detare, Gjeneral Divizioni Joselito Minuto, u prit nga Drejtori i Përgjithshëm i Policisë së Shtetit, Drejtues Madhor Skender Hita, dhe drejtues të tjerë të lartë të Policisë së Shtetit.

Read more:Vendet e NATO-s në vijën e parë të frontit kërkojnë trupa amerikane pas vendimit të Trumpit për tërheqjen e tyre nga Gjermania

Gjatë takimit, Drejtori i Përgjithshëm Drejtues Madhor Skender Hita falënderoi përfaqësuesit e Guardia di Finanza-s për partneritetin e qëndrueshëm dhe theksoi se ky model bashkëpunimi ka tejkaluar prej kohësh kufijtë formalë të marrëdhënieve institucionale, duke u shndërruar në një shembull të konsoliduar besimi, mirëkuptimi dhe miqësie, që ka sjellë rezultate konkrete dhe shumë pozitive në luftën kundër kultivimit të bimëve narkotike.

Nga ana e tij, Gjeneral Divizioni Joselito Minuto rikonfirmoi angazhimin e Guardia di Finanza-s për intensifikimin e monitorimit ajror, nëpërmjet shtimit të fluturimeve dhe verifikimit të çdo koordinatë të raportuar si zonë me risk për kultivimin e bimëve narkotike.