Mëngjesin e kësaj të marte, kurora e gjelbër e Pukës është rrezikuar nga flakët. Dyshohet se zjarri, për të cilën ndërhynë banorët dhe zjarrfikësit, mund të ketë qenë i qëllimshëm.
Edhe në Drenie të Patosit ka një riaktivizim të vatrës, ku sërish është terreni i vështirë dhe intensiteti i flakëve ai që vështirëson operacionin ku janë angazhuar 5 mjete zjarrfikëse dhe 25 efektivë.
Pas zjarrit në Zidoll të Krujës që rrezikoi depot e eksplozivit dhe qytetin antik ilir të ‘Albanopolis-it, situata sot shfaqet më e përmirësuar. Në mëngjes ka rinisur ndërhyrja me dy helikopterë dhe flakët po shkojnë drejt shuarjes së plotë.
Edhe në lagjen Boje po punohet për shuarjen e vatrave aktive. Mbetet ende një vatër e vogël zjarri në lagjen Abaze, pikërisht aty nga ku nisën flakët. Në këtë zonë ka bimësi të dendur çka bëhet shkas për riaktivizimin e vatrës dhe paraqet vështirësi për fikjen.
Nuk raportohen dëme në banesa, por s’mund të thuhet e njëjta gjë për florën dhe faunën e zonës që është prekur nga flakët.
Lajm në përditësim…
Riaktivizohet vatra e zjarrit në Drenie të Patosit! Ndërhyrja e vështirë për shkak të terrenit
Është riaktvizuar sërish vatra e zjarrit në Drenie të Patosit ditën e sotme. Në terren ndodhen 5 mjete zjarrëfiksë 25 efektiv të shërbimit zjarrfikës dhe 15 forca bashkiake.
Ndërhyrja është e vështirë për shkak të terrenit të thepisur dhe intesitetit të zjarrit.
Zjarri kërcënon ‘kurorën e gjelbër’ të Pukës, dyshohet i qëllimshëm (VIDEO)
Kurora e gjelbër e qytetit të Pukës është rrezikuar seriozisht mëngjesin e kësaj të marte, pasi një vatër zjarri përfshiu një pjesë të sipërfaqes së pyllëzuar.
Paraprakisht dyshohet se zjarri mund të jetë shkaktuar qëllimisht, ndërsa për shuarjen e tyre kanë punuar shërbimi zjarrfikëse i Pukës, të ndihmuar edhe nga banorët e lagjes Laçaj.
Kjo është hera e parë pas shumë vitesh që një zjarr kërcënon seriozisht këtë hapësirë të gjelbër, e cila shtrihet në qindra hektarë rreth qytetit të Pukës.
Ndërkohë, Policia ka ngritur një grup hetimor për të zbardhur shkaqet e rënies së zjarrit dhe për të verifikuar dyshimet për një zjarrvënie të mundshme të qëllimshme.
