Një 37-vjeçar është arrestuar në Mirditë pasi dyshohet se kishte kultivuar dhjetëra bimë narkotike në një zonë të pyllëzuar në fshatin Xhuxhë.
Sipas Policisë, ai u zbulua gjatë monitorimit me dron të zonave të thella malore. Banori i Xhuxhës, dyshohet se po kujdesej për bimët e kultivuara në mes të pyllit, ndërsa një pjesë e tyre ndodheshin edhe pranë banesës së tij.
Gjatë kontrolleve u gjetën gjithsej 60 bimë të dyshuara si Cannabis Sativa. Pjesa më e madhe e tyre u asgjësua, ndërsa disa prej bimëve u morën nga policia dhe u sekuestruan si provë materiale.
Njoftimi i plotë i Policisë
“Mirditë/Finalizohet operacioni i koduar “Droni”.
U konstatua nëpërmjet monitorimit me dron, teksa kujdesej për bimët narkotike që kishte kultivuar në mes të pyllit, në fshatin Xhuxhë. Vihet në pranga 37-vjeçari.
Asgjësohen dhjetëra bimë narkotike.
Shërbimet e Komisariatit të Policisë Mirditë, si rezultat i kontrolleve me dronë në zona të thella malore, me objektiv parandalimin dhe goditjen e kultivimit të bimëve narkotike, finalizuan operacionin e koduar “Droni”, gjatë të cilit u vu në pranga shtetasi F. M., 37 vjeç, banues në fshatin Xhuxhë.
37-vjeçari dyshohet se kishte kultivuar 60 bimë të dyshuara narkotike Cannabis Sativa, në zonën e pyllëzuar të fshatit dhe në afërsi të banesës së tij.
Read more:Temperatura deri në 32 gradë celcius…parashikimi i motit për sot (VIDEO)
Pjesa më e madhe e bimëve narkotike u asgjësuan nëpërmjet djegies, ndërsa një pjesë e vogël u sekuestrua me cilësinë e provës materiale.
Materialet procedurale iu referuan Prokurorisë, për veprime të mëtejshme”
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
