ITALI – Serie A e futbollit në Itali mbylli të hënën raundin e 33-të. Në stadiumin ‘Via del Mare’ vendasit e Lecces barazuan 1-1 kundër Fiorentinës në një ndeshje me raste dhe grintë sportive. Më i miri në fushë sipas ‘FlashScore’ ishte mesfushori i Kombëtares dhe Lecces, Ylber Ramadani, i cili u vlerësua me notën 8,5. Ramadani mori një vend edhe në formacionin më të mirë të raundit të 33-të.
Dueli u zhbllokua pas 30-të minutave lojë me golin e Jack Harrison, teksa Fiore mori epërsinë. Pjesa e parë u mbyll 0-1 për miqtë nga Firenze, ndërsa duhej minuta e 71-të, asisti i Gallo për Tiago Gabriel që Lecce të merrte një pikë të artë në zonën e mbijetesës.
Pas këtij raundi është Interi që prin renditjen me 78 pikë dhe me ‘një dorë’ ka prekur titullin e 21-të në histori, ndërsa Milani dhe Napoli janë 12 pikë pas kur kanë mbetur edhe pesë javë nga fundi i sezonit.
Fiorentina me 36 pikë mban vendin e 15-të, ndërsa Cremonese dhe Lecce me nga 28 pikë renditen përkatësisht në vendet 17 dhe 18.
Ylber Ramadani në formacionin më të mirë të javës në Serie A
Mesfushori i Kombëtares dhe Lecces, Ylber Ramadani, është përfshirë në formacionin më të mirë të javës së 33-të në futbollin italian sipas ‘SofaScore’.
Ramadani ishte më i miri në fushë në barazimin 1-1 kundër Fiorentinës duke merituar një vend në formacion. Më poshtë edhe formacioni i javës në Serie A: Carnesecchi, Hermoso, de Vrij, Kelly, Ramadani, Fagioli, Strefezza, Rabiot, Barella, Paz, Nzola.
S.Dh/Shqiptarja.com
Komente
KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t’i ndalohet nga ai moment të komentojë te Shqiptarja.com