Gresa Sekiraqa ka prekur publikun në “Ferma VIP” me një rrëfim të fortë personal, duke zbuluar një nga periudhat më të vështira që ka kaluar familja e saj.
Këngëtarja tregoi se si, në një moshë shumë të re, u përball me një realitet tronditës kur babai i saj u diagnostikua me kancer dhe mjekët i dhanë një lajm të rëndë për pritshmëritë e jetës së tij. Në atë kohë, Gresa ishte vetëm 19 vjeçe dhe u detyrua të përballej me dhimbjen, frikën dhe përgjegjësinë emocionale që sjell një situatë e tillë.
“Më thanë që nuk do ketë më shumë se muaj jetë. Unë kam qenë 19 vjeç. Duhet të bëhesha e fortë, por nuk mund të bëhesha. Momentet më të vështira kanë qenë kur babi mendonte se po vdiste dhe sillej keq me mua. Unë dilja jashtë dhe nuk doja që të më shihnin duke qarë. Kam hyrë në banjo, kam prerë flokët e babit e më pas të miat. Babi im e shijon jetën. Dhuratën më të madhe në jetë e kam që e kam babë”, u shpreh ajo.
– YouTube youtu.be
Rrëfimi i saj solli emocione të forta edhe brenda fermës, teksa Sekiraqa përshkroi momentet kur përpiqej të ruante veten dhe familjen nga dhimbja, duke mos lejuar që të tjerët ta shihnin të thyer.
Pavarësisht asaj periudhe të errët, historia e Gresës ka sot një fund të lumtur: babai i saj gëzon shëndet të plotë, ndërsa për këngëtaren ai mbetet njeriu më i shtrenjtë dhe, siç e quajti vetë, “dhurata më e madhe” në jetën e saj.
– YouTube youtu.be
Rrëfimi u prit me shumë reagime nga publiku, duke i dhënë “Ferma VIP” edhe një tjetër dimension emocional, ku përtej garës dhe dinamikave të lojës, dalin në pah histori reale dhe të ndjera nga jeta e konkurrentëve. /Telegrafi/
– YouTube youtu.be
