Ish-banorja e Big Brother VIP Kosova, Elijona, duket se po kalon disa ditë relaksi në Egjipt, ku ka ndarë me ndjekësit e saj në rrjete sociale momente nga netët që po shijon atje.
Ajo është shfaqur mjaft aktive, duke publikuar fotografi që pasqyrojnë atmosferën e pushimeve të saj.
Në imazhet e fundit, Elijona ka tërhequr vëmendje me një paraqitje elegante dhe joshëse, e veshur me një fustan të gjatë sateni në ngjyrë ari.
Elijona/Instagram
Fustani me detaje të buta në dekolte i theksonte siluetën, duke i dhënë një stil luksoz dhe femëror.
Ajo kishte zgjedhur flokë të drejtë, ndërsa grimi ishte natyral dhe i ndriçuar, duke kompletuar pamjen e saj për mbrëmjet në pushime.
Elijona/Instagram
Përveç kësaj dukjeje, Elijona ka ndarë edhe imazhe të tjera nga qëndrimi i saj në Egjipt, ku është shfaqur me një tjetër veshje elegante të përbërë nga korse dhe fund.
Edhe në këto fotografi, ajo ka ruajtur stilin e saj të thjeshtë, por të kuruar, duke marrë vëmendje të madhe nga ndjekësit.
Elijona/Instagram
Ndërkohë, në rrjet po përflitet se Elijona mund të ketë nisur një lidhje me ish-banorin e BBVK, Klodianin.
Deri më tani, asnjëri prej tyre nuk ka konfirmuar apo mohuar këto zëra, ndërsa spekulimet kanë nxitur interesin e fansave të formatit për raportin mes tyre. /Telegrafi/
Elijona/Instagram
Elijona/Instagram
