Ushtria amerikane ka shpenzuar afërsisht 25 miliardë dollarë për luftën me Iranin që nga fillimi i saj në fund të shkurtit.
Kështu, siç raportojnë mediat e huaja, përcjell Telegrafi, u tha zyrtari më i lartë financiar i Pentagonit ligjvënësve të mërkurën.
Siç theksohet më tej, shumica e këtyre shpenzimeve është për municione, por një pjesë e tyre është për mirëmbajtje dhe zëvendësim të pajisjeve, tha Jules “Jay” Hurst para Komitetit të Shërbimeve të Armatosura të Dhomës së Përfaqësuesve.
Read more (Ushtria amerikane):SHBA godet një tjetër skaf që trafikonte drogë në Paqësor, humbin jetën 3 personat në bord, shkon në 185 numri i viktimave që nga fillimi i operacioneve
Kostoja e saktë e luftës “u ka shpëtuar ligjvënësve” dhe është bërë gjithnjë e më shumë një çështje politike, ndërsa Kongresi shqyrton kërkesën e Presidentit Donald Trump për buxhetin e mbrojtjes prej 1.5 trilion dollarësh për vitin fiskal 2027.
“Jam i lumtur që iu përgjigjët kësaj pyetjeje, sepse ne kemi kërkuar për një kohë shumë të gjatë dhe askush nuk na ka dhënë numrin”, ka thënë përfaqësuesi Adam Smith, demokrati më i lartë në komision, në përgjigje të Hurst.
Sipas CNN, trembëdhjetë anëtarë të shërbimit ushtarak amerikan janë vrarë deri më sot në luftë, e cila aktualisht është subjekt i një armëpushimi të brishtë.
Read more (Irani):Largimi i Emirateve të Bashkuara Arabe, ekspertët: Goditje për OPEC, fitore për Trump
Ndërkohë, Sekretari i Mbrojtjes i SHBA-së, Pete Hegseth, kritikoi ashpër kundërshtimin ndaj luftës së vazhdueshme me Iranin gjatë një seance dëgjimore në Kongres sot, duke i përshkruar ligjvënësit që kritikojnë administratën si “kundërshtarët më të mëdhenj”.
“Sfida më e madhe, kundërshtari më i madh me të cilin përballemi në këtë pikë janë fjalët e pamatura, të paepura dhe disfatiste të demokratëve të Kongresit dhe disa republikanëve”, tha Hegseth në seancën dëgjimore, e cila shënon herën e parë që ai dëshmon para Kongresit që nga fillimi i luftës.
Read more (iran):Përpjekjet për paqe në Iran ende 'në vazhdim', thotë ndërmjetësi pakistanez
Ai vazhdoi duke theksuar se kritikat vijnë ndërsa konflikti ka arritur në dy muaj, duke argumentuar se ka qenë dukshëm më i shkurtër se luftërat në Irak, Afganistan dhe Vietnam.
“Jemi krenarë për këtë sipërmarrje”, shtoi Hegseth. /Telegrafi/
