Partizani i trajnerit Ylli Tomorri ka kurorëzuar një sezon të shkëlqyer, duke u shpallur të martën kampion i Shqipërisë në volejboll për meshkuj, pas fitores së tretë radhazi në finalet play-off kundër Skënderbeut.
Në një përballje të fortë në sallën sportive të Farkës e cila zgjati mbi dy orë, kryeqytetasit triumfuan me rezultatin 3-2 me sete, duke mbyllur serinë finale me shifrat e pastra 3-0 dhe duke siguruar titullin kampion.
Të kuqtë e nisën fort sfidën, duke fituar setin e parë 25-16. Reagimi i korçarëve erdhi në setin e dytë, ku Skënderbeu triumfoi ngushtë 25-27. Partizani riktheu avantazhin me fitoren 25-21 në setin e tretë, por Skënderbeu nuk u dorëzua dhe barazoi gjithçka pas suksesit 25-16 në setin e katërt. Gjithçka u vendos në setin final, ku Partizani tregoi më shumë qetësi dhe cilësi, duke fituar 15-8 dhe ‘vulosur’ titullin kampion për këtë sezon.
Read more (partizani):Tirana e fiton derbin ndaj Partizanit
Një triumf i merituar për kryeqytetasit, që dominuan finalet dhe siguruan titullin kampion në Shqipëri për herën e tretë radhazi dhe të 18-in në histori.
