Në “Galerinë Societe” në Berlin është çelur dje ekspozita “Krizalimi” ku janë prezantuar 13 piktura e skulptura të kryeministrit Edi Rama. Kjo ekspozitë do të qëndrojë e hapur për vizitorët deri më datë 27 maj.
Në hapje, Rama është intervistuar nga Fabrizio Bucci, ambasadori italian në Berlin. Bucci ka shërbyer si ambasador dhe në Tiranë deri në fund të janarit 2025. Nga Edi Rama nuk munguan përgjigjet me humor e sarkazëm për spektrin e politikës e një pjesë tjetër i drejtoheshin BE-së.
“Unë jam artisti më i mirë në botë midis kryeministrave dhe kryeministri më i mirë midis artistëve”, tha Rama.
Duke folur për Bashkimin Evropian dhe integrimin, Rama tha se “BE-ja është një bekim për ne; roli i saj është shumë i dobishëm për ndërtimin e institucioneve dhe ajo di si ta bëjë këtë. Është procesi më neurotik i mundshëm, por funksionon. Falë kësaj, ne kemi ndryshuar.”
Read more (Edi Rama):Lajmi i madh për fansat e muzikës: Kanye West vjen me koncert në Tiranë!
Rama theksoi gjithashtu se si Bashkimi Evropian ka ndryshuar qëndrimin e tij themelor që nga pushtimi i Ukrainës nga Putin.
“Më parë, ata thanë fjalët e duhura, por veprimet nuk pasuan. Kur erdhi pushtimi, ata kuptuan se të gjitha palët jashtë bllokut mund të humbisnin”, tha ai.
Shefi i qeverisë bëri thirrje për një ndryshim të mëtejshëm të ritmit: metoda evropiane mbetet shumë e ngadaltë, shumë e mbushur me pengesa.
Read more (itali):Juventusi i bën ofertë Lewandowskit, vendim i madh në verë
“Ne duhet të bëjmë atë që duhet të bëjmë. Dhe ne do të ecim përpara sepse kështu përmirësohemi. Lajmi i mirë është se nuk do të bëhemi kurrë një Gjermani, sepse nuk jemi të aftë për të. Por një ‘Itali e vogël’?”, tha Rama.
Ndër të tjera, Rama risolli në vëmendje ndërtimin dhe transformimin e Tiranës, që nga koha kur vetë ai ishte kryetar i bashkisë së kryeqytetit.
