Pirja e kafesë menjëherë pas mëngjesit është një rutinë e përhapur për shumë persona, por ekspertët paralajmërojnë se ky zakon mund të ndikojë në përthithjen e hekurit nga organizmi.
Sipas studimeve, si kafeja ashtu edhe çaji i zi përmbajnë tanine, përbërës natyralë që lidhen me hekurin gjatë procesit të tretjes, duke e bërë më të vështirë përthithjen e tij. Ky efekt është më i theksuar te hekuri jo-hemik, që gjendet kryesisht në ushqime me bazë bimore si drithërat, fasulet dhe perimet jeshile.
Të dhënat tregojnë se konsumimi i kafesë pranë vakteve mund të ulë ndjeshëm sasinë e hekurit që trupi përthith. Në disa raste, kjo ulje mund të jetë e konsiderueshme, duke bërë që një pjesë e mineralit të mos përdoret nga organizmi dhe të eliminohet përmes sistemit tretës.
Read more (Organizmi):ElitaPlus prezanton pakot e analizave me zbritje deri në -33% – kontroll i plotë shëndetësor në një vend
Ekspertët shpjegojnë se kur përthithja e hekurit pengohet, niveli i tij në gjak mund të mos arrijë vlerat e nevojshme, çka me kalimin e kohës mund të ndikojë në shëndetin e përgjithshëm, sidomos te personat me mungesë të këtij elementi.
Një tjetër faktor që ndikon në përthithjen e hekurit është edhe kalciumi. Ushqimet dhe pijet e pasura me kalcium, si qumështi dhe produktet e tij, mund të konkurrojnë me hekurin gjatë përthithjes në zorrën e hollë.
Read more (Kafeja):Kompanitë e kafesë nisin sisteme me satelitë dhe AI për të gjurmuar shpyllëzimin
Për këtë arsye, rekomandohet që kafeja, çaji dhe produktet e pasura me kalcium të konsumohen të paktën 1–2 orë larg vakteve kryesore. Ky interval ndihmon në përthithjen më efikase të hekurit dhe në ruajtjen e balancës ushqyese në organizëm.
